នាយករដ្ឋមន្ត្រី កាណាដា លើកយកសំណើវិនិយោគទៅបង្ហាញក្នុងកិច្ចប្រជុំកំពូល ហ្វ្រង់កូហ្វូនី | APSARA MEDIA SERVICES

បណ្ដាញផ្សព្វផ្សាយយើងខ្ញុំផ្សេងទៀត

EconomyEducationSportsInfotainmentAMS TravelKhmer CivilizationPolitico 360 Dark ModeAMS ONE-MINUTEកម្ពុជាមាតុភូមិខ្ញុំសច្ចធម៌ប្រវត្តិសាស្ត្រAPSARA TV 11សម្លេងយុវជនសម្លេងមាតុភូមិ
APSARA Media Services Light Logo
នាយករដ្ឋមន្ត្រី កាណាដា លើកយកសំណើវិនិយោគទៅបង្ហាញក្នុងកិច្ចប្រជុំកំពូល ហ្វ្រង់កូហ្វូនី

នាយករដ្ឋមន្ត្រី កាណាដា លើកយកសំណើវិនិយោគទៅបង្ហាញក្នុងកិច្ចប្រជុំកំពូល ហ្វ្រង់កូហ្វូនី

ភ្នំពេញ ៖ នាយករដ្ឋមន្ត្រីកាណាដា លោក Mark Carney កាលពីថ្ងៃអាទិត្យ បានលើកយកសំណើដើម្បីទាក់ទាញការវិនិយោគមកកាន់ប្រទេសកាណាដា ទៅបង្ហាញជូនក្រុមប្រទេសដែលភាគច្រើននិយាយភាសាបារាំង អំឡុងកិច្ចប្រជុំកំពូល ហ្វ្រង់កូហ្វូនី លើកទី២០ រៀបចំធ្វើនៅក្នុងប្រទេសកម្ពុជា។

លោក Carney បានថ្លែងជាភាសាបារាំង នៅក្នុងព្រឹត្តិការណ៍ FrancoTech ដែលជាវេទិកាបង្ហាញពីគំនិតច្នៃប្រឌិតថ្មីៗរបស់បណ្តាប្រទេស និងតំបន់ដែលនិយាយភាសាបារាំងថា «បច្ចុប្បន្ននេះ ប្រទេសកាណាដាគឺជាកន្លែងដ៏ល្អបំផុតមួយនៅលើពិភពលោកសម្រាប់ការវិនិយោគ»។

បើតាម The Canadian Press, ប្រទេសកាណាដាកំពុងត្រៀមខ្លួនធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនី នៅឆ្នាំ២០២៨។

ក្នុងពេលមានវត្តមាននៅកម្ពុជា, នាយករដ្ឋមន្ត្រីកាណាដារូបនេះ មានគម្រោងពិភាក្សាជាមួយមេដឹកនាំជាច្រើនរូប ដែលនេះគឺជាផ្នែកមួយនៃកិច្ចខិតខំប្រឹងប្រែងរបស់លោកក្នុងការធ្វើពិពិធកម្មពាណិជ្ជកម្ម និងការវិនិយោគរបស់ប្រទេសកាណាដា។

បច្ចុប្បន្ន លោក Mark Carney កំពុងស្ថិតនៅក្នុងតំបន់អាស៊ីដើម្បីចូលរួមក្នុងកិច្ចប្រជុំកំពូលចំនួនបី ហើយលោកបានកំណត់យកការធ្វើពិពិធកម្មពាណិជ្ជកម្ម ជាចំណុចស្នូលដ៏សំខាន់មួយនៃដំណើរទស្សនកិច្ចរបស់លោក៕

ប្រភព ៖ The Canadian Press, ប្រែសម្រួល ៖ សារ៉ាត

លន់ សារ៉ាត

លន់ សារ៉ាត

ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ

ឆ្នាំ២០២៥ © រក្សាសិទ្ធិគ្រប់យ៉ាងដោយ៖ អគ្គនាយកដ្ឋានវិទ្យុ និងទូរទស្សន៍អប្សរា