យោងតាមសារព័ត៌មានអង់គ្លេស Sky Sports បានឱ្យដឹងថា ក្រុមវិនិយោគិនមួយក្រុម ដែលមានការចូលរួមពីមហាសេដ្ឋីអាមេរិកលោក Jeff Bezos ស្ថាបនិកក្រុមហ៊ុន Amazon ជិតឈានដល់កិច្ចព្រមព្រៀងក្នុងការទិញយកភាគហ៊ុនជិត១/៣នៃក្លឹបបាល់ទាត់ Liverpool ហើយ។

លោក Jeff Bezos គឺជាស្ថាបនិកក្រុមហ៊ុនពាណិជ្ជកម្មអេឡិចត្រូនិច Amazon និងជាបុគ្គលម្នាក់ក្នុងចំណោមមហាសេដ្ឋីដែលមានបំផុតនៅលើពិភពលោក។ លោកជាមហាសេដ្ឋីលំដាប់ទី ៣លើពិភពលោក (តាមការវាយតម្លៃរបស់ Forbes) ដោយមានទ្រព្យសម្បត្តិសរុបប្រមាណ ២៨៣.៨ពាន់លានដុល្លារអាមេរិក)។ សហស្ថាបនិកហ្វេសប៊ុក លោក Edouardo Saverin និង មហាសេដ្ឋីអង់គ្លេស​ Amit Bhatia ស្ថិតក្នុងក្រុមវិនិយោគជាមួយលោក Bezos ដែរ។