“៖ ពេលឈប់ប្រកួត ខ្ញុំចង់បើកក្លិបប្រដាល់ និងកន្លែងជួសជុលឡាន ព្រោះខ្ញុំធ្លាប់ជាជាងឡានដែរ ហើយកុំគេថា អត់ពីប្រដាល់ទៅ មិនចេះធ្វើអី។” នេះជាការរៀបរាប់របស់កីឡាករប្រដាល់សកលជម្រើសជាតិ នា សុវណ្ណ។

កីឡាករមានប្រភពពីខេត្តសៀមរាបបានចាប់ផ្ដើមហ្វឹកហាត់កីឡាប្រដាល់៨ឆ្នាំមកហើយ ដោយផ្ដើមពីការហ្វឹកហាត់កីឡាប្រដាល់គុនខ្មែរតាមជីតាដែលជាអតីតកីឡាករអំឡុងទសវត្សរ៍ឆ្នាំ១៩៨០។

ដោយមានសមត្ថភាពខាងប្រដាល់សកលដែរនោះ នា សុវណ្ណ បានជាប់ជម្រើសជាតិប្រដាល់សកល២ឆ្នាំមកហើយ និងធ្លាប់បានចេញទៅប្រកួតនៅក្រៅប្រទេសទៀតផង៕