ការបែងចែកពេលវេលាឱ្យបានច្បាស់លាស់សម្រាប់ការសម្រាក និងការស្តារកម្លាំងឡើងវិញ ជួយឱ្យអ្នករត់អាចកសាងសាច់ដុំឡើងវិញ ធ្វើឱ្យតុល្យភាពអរម៉ូនល្អប្រសើរ
និងការពារការរបួសបានយ៉ាងមានប្រសិទ្ធភាព។

អ្នករត់ជាច្រើនមានការបារម្ភថា ការផ្អាកការហ្វឹកហាត់ដើម្បីសម្រាក នឹងធ្វើឱ្យសមត្ថភាពធ្លាក់ចុះ ឬប៉ះពាល់ដល់ការត្រៀមខ្លួនប្រកួត។ ប៉ុន្តែ របាយការណ៍ពីអ្នកជំនាញ គឺ សាស្រ្តាចារ្យ William O. Roberts មកពីសាកលវិទ្យាល័យ Minnesota (សហរដ្ឋអាមេរិក) បានបង្ហាញថា ដំណើរការនៃការអភិវឌ្ឍ និងបង្កើនភាពអត់ធន់របស់សាច់ដុំ គឺកើតឡើងនៅពេលដែលរាងកាយកំពុងសម្រាកក្រោយពេលហ្វឹកហាត់។
នេះគឺជាពេលដែលរាងកាយធ្វើការសំយោគប្រូតេអ៊ីន ដើម្បីជួសជុលសាច់ដុំដែលខូចខាត ដែលធ្វើឱ្យជាលិកាសាច់ដុំមានភាពរឹងមាំជាងមុន និងមានលទ្ធភាពទប់ទល់នឹងកម្លាំងសង្កត់ក្នុងពេលហ្វឹកហាត់លើកក្រោយៗទៀត។ ដូច្នេះ អ្នករត់ត្រូវចេះកែសម្រួលចំនួនថ្ងៃសម្រាកក្នុងមួយសប្តាហ៍ឱ្យបានបត់បែន អាស្រ័យលើកម្រិតសមត្ថភាព និងចម្ងាយនៃការរត់។