Skip to content
ប្រដាល់តាមភូមិនៅក្នុង ខេត្តកំពង់ចាម
    ទំព័រដើម  »  កីឡាជាតិ

ប្រដាល់តាមភូមិនៅក្នុង ខេត្តកំពង់ចាម

ស្វាគមន៍មកកាន់កម្មវិធិកីឡាតាមភូមិ!!

នៅសប្ដាហ៍នេះយើងមានទស្សនីយភាពប្លែកមួយទៀតនោះគឺប្រដាល់តាមភូមិដែលកម្មវិធីនេះធ្វើឡើងនៅក្នុង ភូមិត្នោតលើ ឃុំឫស្សីស្រុក ស្រុកស្រីសន្ធរ ខេត្តកំពង់ចាម។

ទស្សនីយភាពនៃកម្មវិធីប្រដាល់នៅក្នុងភូមិមួយនេះពិតជាអ៊ូរអរមែនទែ ដោយមានប្រជាពលរដ្ឋចូលរួមទស្សនាយ៉ាងច្រើនកុះករ មានទាំងក្មេង មានទាំងចាស់។

កីឡាករ ប៊ុន សុធា អ្នកផ្ដើមគំនិតនៃកម្មវិធីប្រដាល់ក្នុងភូមិនេះ បានលើកឡើងថា ការធ្វើកម្មវិធីប្រដាល់ក្នុងភូមិមួយនេះគឺធ្វើឡើងក្នុងគោលបំណងចង់អោយមានក្មេងជំនាន់ក្រោយបានស្នងកេរដំណែលប្រដាល់គុនខ្មែរ ហើយចង់់អោយក្មេងៗក្នុងភូមិងាកមកហាត់ប្រដាល់គេចឆ្ងាយពីគ្រឿងញៀន ហើយប្រដាល់អីឡូវរកចំណូលបានច្រើនគួរសម។