Skip to content
Riqui Puig នៅតែពិបាកទទួលបានឱកាសចូលលេង ទោះ Xavi មកដឹកនាំ
    ទំព័រដើម  »  កីឡាជាតិ

Riqui Puig នៅតែពិបាកទទួលបានឱកាសចូលលេង ទោះ Xavi មកដឹកនាំ

ចាប់តាំងពីចូលកាន់តំណែងជាអ្នកចាត់ការក្លិប Barcelona មក លោក Xavi Hernandez តែងផ្ដល់ឱកាសឱ្យកីឡាករវ័យក្មេងៗ បង្ហាញសមត្ថភាព ដោយមិនមានក្ដីព្រួយបារម្ភឡើយ។

កីឡាករក្មេងៗច្រើនរូបនៅក្នុងក្រុម Barcelona ទទួលបានឱកាសចូលលេងជាហូរហែ លើកលែងតែកីឡាករម្នាក់ប៉ុណ្ណោះគឺ Riqui Puig។ ទោះបីជា Puig ជាកីឡាករម្នាក់ដែលមានទេពកោសល្យ និងធ្លាប់ទទួលបានការកោតសរសើរពី Xavi ប៉ុន្ដែខ្សែបម្រើជនជាតិអេស្ប៉ាញរូបនេះ ទទួលបាន ឱកាសចូលលេងលើទីលានបានតែ១២នាទីប៉ុណ្ណោះ ចាប់តាំងពី Xavi ចូលរួមនៅ Camp Nou ពីក្លិបកាតារ Al Sadd។

Puig បានបង្ហាញខ្លួនលើកដំបូងក្នុងក្រុមធំ Barcelona ក្នុងរដូវកាល ២០១៨-១៩ ក្រោមការបង្វឹកដោយលោក Ernesto Valverde ប៉ុន្ដែគេមិនអាចធានាបាននូវតំណែងក្នុងការជ្រើសរើសរបស់លោក Valverde, Quique Setien និង Ronald Koeman ឡើយ។

ចាប់តាំងពីចាប់ផ្ដើមលេងនៅក្នុងក្រុមធំរបស់ Barca, Puig លេងបានតែ៤៥លើកប៉ុណ្ណោះសម្រាប់ក្លិប សរុបបាន១៥១០នាទីនៅលើទីលាន៕