ផ្លាស់ប្ដូរកាលបរិច្ឆេទផ្ដាច់ព្រ័ត្រពានសម្ដេចតេជោថ្នាក់ជាតិ

វគ្គផ្ដាច់ព្រ័ត្រការប្រកួតបាល់ទាត់ពានរង្វាន់សម្ដេចអគ្គមហាសេនាបតីតេជោ ហ៊ុន សែន ថ្នាក់ជាតិ ២០២២ នឹងផ្លាស់ប្ដូរកាលបរិឆ្ឆេទពីថ្ងៃពុធ ទី២៦ ខែតុលា ទៅថ្ងៃអាទិត្យ ទី០៦ ខែវិច្ឆិកា វិញ។

បើតាមលិខិតពីគណៈកម្មការប្រកួតបាល់ទាត់ពានរង្វាន់សម្ដេចអគ្គមហាសេនាបតីតេជោ ហ៊ុន សែន ការលើកពេលនេះ ព្រោះដំបូងឡើយចំថ្ងៃពុធ ដែលជាថ្ងៃសិក្សារបស់សិស្សានុសិស្ស ហើយមហាជនក៏ជាប់បំពេញការងាររៀងៗខ្លួន។ ដូច្នេះដើម្បីញុំាងបរិយាកាសកាន់តែកុះករ គណៈកម្មការក៏សម្រេចលើកពេលទៅថ្ងៃទី០៦ ខែវិច្ឆិកា ចំថ្ងៃសៅរ៍ដែលជាថ្ងៃចុងសប្ដាហ៍វិញ។

គួរបញ្ជាក់ថា គិតមកទល់ពេលនេះការប្រកួតបាល់ទាត់ពានរង្វាន់សម្ដេចអគ្គមហាសេនាបតីតេជោ ហ៊ុន សែន ថ្នាក់ជាតិ រកឃើញ៤ក្រុមចុងក្រោយសម្រាប់វគ្គពាក់កណ្ដាលផ្ដាច់ព្រ័ត្រហើយ ដែលបឹងកេតត្រូវជួបជាមួយអគ្គិសនីកម្ពុជា និងភ្នំពេញក្រោនប៉ះក្រុមការពារតំណែងជើងឯកវិសាខា។

ការប្រកួតជើងទី១វគ្គ៤ក្រុមចុងក្រោយនឹងប្រព្រឹត្តទៅនៅថ្ងៃទី០៥ ខែតុលា និងជើងទី២ នៅថ្ងៃទី១២ ខែតុលា។ ក្រុមចាញ់នឹងប៉ះគ្នាយកលេខ៣ និងក្រុមឈ្នះប្រកួតយកជើងឯក។

ដោយឡែក វគ្គផ្ដាច់ព្រ័ត្រមិនទាន់ត្រូវបានកំណត់ទីតាំងនៅឡើយទេ៕

Sovann Tith
Sovann Tithhttps://www.ams.com.kh/sports
ជានិពន្ធនាយករងព័ត៌មានកីឡា លោក ទិត្យ សុវណ្ណ (Tith Sovann) បានប្រលូកនៅតាមស្ថាប័នធំៗយ៉ាងច្រើនទាំងទូរទស្សន៍ និងបណ្ដាញសង្គម ក្នុងនាមជាអ្នកយកព័ត៌មានកីឡា, អ្នកប្រែសម្រួល និងអ្នកអត្ថាធិប្បាយ។ លោកមានទំនាក់ទំនងស្អិតរមួតជាមួយអង្គភាព និងក្លិបកីឡានានានៅកម្ពុជា ដែលគុណសម្បត្តិទាំងអស់នេះនឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ៕

ព័ត៌មានជាប់ទាក់ទង

បណ្ដាញសង្គម

64,482FansLike
149FollowersFollow
23,000SubscribersSubscribe
- Advertisement -spot_img

ព័ត៌មានចុងក្រោយ