Leicester គ្រោងនឹងទាមទារប្រហែល 50 លានផោនសម្រាប់ខ្សែបម្រើប្រយុទ្ធអង់គ្លេស James Maddison ដោយ Tottenham ពេញចិត្តក្នុងការនាំយកកីឡាករវ័យ 26 ឆ្នាំរូបនេះ។ (ប្រភព៖ Telegraph)
សារព័ត៌មាន Independent បានរាយការណ៍ថា Inter Miami ចង់ដាក់សំណើរទៅ Lionel Messi ដោយផ្ដល់នូវភាគហ៊ុនមួយចំណែកនៅក្នុងក្លិបដើម្បីបញ្ចុះបញ្ចូលតារាឆ្នើមអាហ្សង់ទីនរូបនេះឱ្យផ្លាស់ពី PSG មកចូលរួមជាមួយពួកគេនៅរដូវក្ដៅនេះ ទោះបីជា Messi ចង់បន្តនៅទ្វីបអឺរ៉ុបដល់ឆ្នាំ 2024 ដើម្បីព្យាយាមឈ្នះពានរង្វាន់ Champions League ម្ដងទៀតក៏ដោយ។
អ្នកចាត់ការសញ្ជាតិអេស្ប៉ាញ Xabi Alonso របស់ Bayer Leverkusen បានក្លាយជាអ្នកប្រជែងសម្រាប់តួនាទីអ្នកចាត់ការថ្មីរបស់ Chelsea បន្ទាប់ពីការបណ្តេញលោក Graham Potter ។ (ប្រភព៖ Guardian)
Arsenal បានបើកកិច្ចពិភាក្សាជាមួយ Leicester City ក្នុងការផ្ទេរខ្សែបម្រើបែលហ្ស៊ិក Youri Tielemans ខណៈដែល Newcastle United និង Barcelona ក៏ចាប់អារម្មណ៍លើកីឡាករវ័យ 25 ឆ្នាំរូបនេះផងដែរ នេះបើយោងតាមសារព័ត៌មាន Football Insider ។
Chelsea បានចាប់ផ្ដើមការចរចារជាមួយខ្សែបម្រើសញ្ជាតិបារាំង N’Golo Kante វ័យ 32 ឆ្នាំជុំវិញកិច្ចសន្យាថ្មី នេះបើយោងតាមលោក Fabrizio Romano ។
សារព័ត៌មាន Sky Sports បានរាយការណ៍ថា Leicester កំពុងពិចារណាលើការតែងតាំងអ្នកចាត់ការបណ្ដោះអាសន្នរហូតដល់ចុងបញ្ចប់នៃរដូវកាលនេះ បន្ទាប់ពីបណ្ដេញលោក Brendan Rodgers កាលពីថ្ងៃអាទិត្យ។ ក្នុងនោះរួមមាន Graham Potter និង Thomas Frank ដែលជាគោលដៅសម្រាប់រដូវក្ដៅនេះ ជាមួយគ្នានេះផងដែរអតីតគ្រូបង្វឹក Southampton លោក Ralph Hasenhuttl និងលោក Jesse Marsch អតីតក្លិប Leeds ក៏ស្ថិតក្នុងការពិចារណាផងដែរ។
សារព័ត៌មាន Dailymail បានរាយការណ៍ថា Adi Hutter អតីតអ្នកចាត់ការរបស់ Borussia Monchengladbach ក៏អាចជាជម្រើសសម្រាប់ Leicester ផងដែរ។
សារព័ត៌មាន Football Insider បានរាយការណ៍ថា Burnley ចង់នាំយកខ្សែបម្រើស្លាបសញ្ជាតិហូឡង់ Sontje Hansen របស់ Ajax នៅរដូវក្ដៅនេះ។
Arsenal កំពុងចរចាជាមួយអ្នកតំណាងរបស់ Reiss Nelson អំពីការបន្តកុងត្រាសម្រាប់ខ្សែប្រយុទ្ធអង់គ្លេសវ័យ 23 ឆ្នាំរូបនេះ នេះបើយោងតាមលោក Fabrizio Romano ។
