កំពង់ធំ៖សមត្ថកិច្ចចម្រុះខេត្តកំពង់ធំ បានបង្ក្រាបរថយន្តមួយគ្រឿង ដែល​តែងតែដឹកជញ្ជូនផលអនុផលព្រៃឈើខុសច្បាប់ នៅចំណុចភូមិអូរក្រពើ ឃុំបឹងល្វា ស្រុកសន្ទុក។ការបង្ក្រាបនេះបានអនុវត្ត​តាមបញ្ជារបស់ឯកឧត្ដម នួន ផារ័ត្ន អភិបាល​ខេត្ត​កំពង់ធំ​ និងសម្របសម្រួលដោយព្រះរាជអាជ្ញាខេត្តកំពង់ធំ នៅថ្ងៃទី ២២ ខែមេសា ឆ្នាំ ២០២៥ វេលាម៉ោងប្រមាណ ជាង ៩ ព្រឹក។

រថយន្តដែលត្រូវបានបង្ក្រាប លេខផ្លាក 3A-3085 (កំពង់ចាម) ប៉ុន្តែជន​សង្ស័យបានរត់គេចខ្លួនបាត់ស្រមោល ខណៈ​សមត្ថកិច្ចចុះទៅដល់ទីតាំង។វត្ថុតាងបានចាប់យកមករក្សាទុកនៅអធិការដ្ឋានរដ្ឋបាលព្រៃឈើខាងជើងបឹងទន្លេសាប ដើម្បីបន្តដំណើរការតាមនីតិវិធី៕

ដោយ៖​ប៊ុន​រដ្ឋា