ថ្ងៃទី២៩ធ្នូឆ្នាំ២០២៣ខាងមុខនេះ គឺជាខួប២៥ឆ្នាំនៃការបញ្ចប់សង្គ្រាមស៊ីវិល ក្នុងប្រទេសកម្ពុជា តាមរយៈយុទ្ធសាស្ត្រឌីហ្វីដ នៃនយោបាយឈ្នះឈ្នះរបស់សម្តេចតេជោ ហ៊ុន សែន។ ក្នុងវគ្គទី៩ ទូរទស្សនិកជនបានជ្រាបហើយ ជុំវិញការចាប់ខ្លួនប៉ុលពតកាត់ទោសនៅអន្លង់វែង និងក្រោយមកប៉ុលពតបានស្លាប់ដោយសារជម្ងឺប្រចាំកាយ នៅថ្ងៃទី១៥ មេសា ឆ្នាំ១៩៩៨។ ក្នុងវគ្គទី៩នោះផងដែរ ទូរទស្សនិកជន បានជ្រាបជុំវិញការបញ្ជូនកម្លាំងខ្មែរក្រហម ប្រដាប់អាវុធចូលមកក្នុងជាយក្រុង និងក្នុងរាជធានីភ្នំពេញ និងការបញ្ជូនកម្លាំងខ្មែរក្រហមនាពេលនោះហើយ បាននាំឲ្យការផ្ទុះឡើងនូវព្រឹត្តិការណ៍៥ និង៦កក្កដា ដែលមានការបាញ់បង្ហូរឈាមគ្នានៅកណ្តាលរាជធានី។ ទូរទស្សនិកជន នេះជាប្រវត្តិពាក់ព័ន្ធការស្វែងរកសន្តិភាពដោយលំបាករបស់កម្ពុជា ដើម្បីពន្លត់ភ្លើងសង្គ្រាមស៊ីវិល ក្នុងប្រទេស តាមរយៈឯកសារចងក្រងរបស់លោក ម៉ារ យ៉ារិទ្ធិ នៃសៀវភៅយុទ្ធសាស្ត្រ DIFID តេជោសែន