ស្ទឹងត្រែង៖នៅក្នុងឱកាសអញ្ជើញទស្សនកិច្ចខេត្តស្ទឹងត្រែង កាលពីព្រឹកថ្ងៃទី១២ ខែមករា ឆ្នាំ២០២៤ សម្តេចអគ្គ មហា ពញាចក្រី ហេង សំរិន ប្រធានកិត្តិយសក្រុមឧត្តមទីប្រឹក្សាផ្ទាល់ ព្រះ មហាក្សត្រ បានមានប្រសាសន៍ថា កម្ពុជាទទួលបាន ការ អភិវឌ្ឍនិងរីកចម្រើន លើគ្រប់វិស័យ រហូតមកដល់សព្វថ្ងៃនេះ គឺបានមកពីតម្លៃនៃសន្តិភាព ។

ក្នុងឱកាសស្នាក់នៅខេត្តស្ទឹងត្រែងសម្ដេចចក្រី ហេង សំរិន និងសម្តេចធម្មវិសុទ្ធវង្សា សៅ ទី ហេងសំរិន គណៈប្រតិភូ បានធ្វើទស្សនកិច្ចមកកាន់ស្ថានីយវារីអគ្គិសនី សេសាន ក្រោម២ ស្ថិតនៅក្នុងស្រុកសេសាន ។

សូមជម្រាបថា សម្តេចចក្រីហេងសំរិននិងគណៈប្រតិភូបាន អញ្ជើញមកដល់ខេត្តស្ទឹងត្រែងបន្ទាប់ពីអញ្ជើញទស្សនកិច្ចនៅខេត្តមណ្ឌលគិរី ខេត្តរតនគិរី ។សម្ដេចនិងប្រតិភូបានទទួលនូវការបដិសណ្ឋារកិច្ចយ៉ាងកក់ក្តៅ ពីសំណាក់ថ្នាក់ដឹកនាំខេត្ត ស្ទឹងត្រែង ក្រោមវត្តមាន ឯកឧត្តម សន្តិបណ្ឌិត ឡូយ សុផាត តំណាងរាស្រ្តមណ្ឌលខេត្ត ស្ទឹងត្រែង ឯកឧត្តម ឈាង ឡាង ប្រធានក្រុមប្រឹក្សាខេត្ត និងឯកឧត្តម ស្វាយ សំអ៊ាង អភិបាលខេត្ត។

ដំណើរទស្សនកិច្ចមកភាគឦសានប្រទេសកម្ពុជារបស់សម្តេចចក្រី ហេង សំរិន ,សម្តេចធម្មវិសុទ្ធវង្សា សៅ ទី ហេង សំរិន និងគណៈប្រតិភូដើម្បីឃើញនូវភាពរីកចម្រើនលើគ្រប់វិស័យបន្ទាប់ពីកម្ពុជាបានបាត់បង់អ្វីៗគ្រប់យ៉ាងមុនឆ្នាំ១៩៧៩ ។ដោយឡែកបន្ទាប់ពីមានការលះបង់របស់សម្តេចតេជោ ហ៊ុន សែន សម្តេចធម្មពោធិសាល ជាស៊ីម សម្ដេចចក្រី ហេង សំរិន និងឥស្សរជនគណបក្សប្រជាជនកម្ពុជា ទើបប្រជាជន កម្ពុជា រស់ រានមានជីវិតរហូតដល់សព្វថ្ងៃនេះ ៕
អត្ថបទនិងរូបភាព ៖ដេង ម៉ាវិន