មន្ទីរពេទ្យតំបន់ដ៏ទំនើបមួយតម្លៃ ១០លានដុល្លារ ត្រូវបានសម្ពោធដាក់ឱ្យប្រើប្រាស់ជាផ្លូវការ នៅថ្ងៃទី១៣ មីនា ឆ្នាំ២០២៤ ក្រោមការអញ្ជើញចូលរួមជាអធិបតីដ៏ខ្ពង់ខ្ពស់ ពីសម្តេចធិបតី ហ៊ុន ម៉ាណែត។ មន្ទីរពេទ្យ «តេជោសែនកោះធំ» ដែលទីតាំងនៅតាមបណ្តោយផ្លូវជាតិលេខ២១ ស្ថិតក្នុងភូមិកំពង់ស្វាយក្រោម ឃុំព្រែកថ្មី ស្រុកកោះធំ ខេត្តកណ្តាល ដែលសម្ពោធនៅថ្ងៃពុធនេះ នឹងក្លាយជាមណ្ឌលផ្តល់សេវាសុខាភិបាលសាធារណៈ ជូនដល់ប្រជាពលរដ្ឋប្រមាណជាង ៦០ម៉ឺននាក់ ដែលរស់នៅក្នុងស្រុកស្អាង, ស្រុកកោះធំ, ស្រុកលើកដែក នៃខេត្តកណ្តាល និងស្រុកព្រៃកប្បាស នៃខេត្តតាកែវ និងតំបន់ជុំវិញផងដែរ។ អប្សរាណិតរាយការណ៍