បរទេស៖ ជនជាតិសូម៉ាលី ចំនួន៣៥នាក់ត្រូវបានបញ្ជូន ទៅដល់ប្រទេសឥណ្ឌា កាលពីថ្ងៃសៅរ៍ ដើម្បីប្រឈមមុខនឹងការកាត់ទោស ករណីប្លន់កប៉ាល់។ យោងតាមច្បាប់របស់ឥណ្ឌា បុរសទាំង៣៥នាក់ ប្រឈមមុខនឹងការកាត់ទោសប្រហារជីវិត ឬ ដាក់ពន្ធនាគារ អស់មួយជីវិត។

ការបញ្ជូនខ្លួននេះត្រូវបានធ្វើឡើង ក្រោយរយៈពេលប៉ុន្មានថ្ងៃ ដែលជនជាតិសូម៉ាលីទាំងនេះត្រូវបានចាប់ខ្លួន ហើយកងទ័ពជើងទឹកឥណ្ឌាបានរឹបអូសយកនាវាផ្ទុកយន្តហោះ ដែលត្រូវបានប្លន់ មកវិញ និងបានជួយសង្គ្រោះចំណាប់ខ្មាំង ជាច្រើននាក់។

ការប្លន់នាវានេះ បានធ្វើឡើង កាលពីខែធ្នូ ឆ្នាំ២០២៣ ពោលគឺកើតឡើងលើនាវា MV Ruen ដែលមានទង់ជាតិ នៃប្រទេសម៉ាល់តា ជាប្រទេសស្ថិតក្នុងទ្វីបអឺរ៉ុប ហើយវាគឺជាលើកទីមួយហើយ ដែលកប៉ាល់ដឹកទំនិញ ដែលត្រូវប្លន់ដោយក្រុមចោរសមុទ្រសូម៉ាលី ចាប់តាំងពីឆ្នាំ២០១៧មក៕ ប្រភពពី AFP ប្រែសម្រួល៖ សារ៉ាត