រាជធានីភ្នំពេញ បានចាប់ផ្តើមបោសសំអាតករណីក្មេងទំនើង បន្ទាប់ពីមានបទបញ្ជាដាក់ចេញដោយសម្តេចធិបតី ហ៊ុន ម៉ាណែត នៅថ្ងៃទី២៣ឧសភានេះ។

ស្នងការនគរបាលរាជធានីភ្នំពេញ លោកឧត្តមសេនីយ៍ឯក ជួន ណារិន្ទ បានធ្វើសន្និសីទកាសែតមួយ បញ្ជាក់អំពីស្ថានភាពក្មេងទំនើង ក្នុងរាជធានី ដែលនៅក្នុងខែឧសភានេះ នគរបាលបានទប់ស្កាត់ និងបង្ក្រាបក្មេងទំនើងចំនួន ២០ករណី និងឃាត់ខ្លួនចំនួន ៨៦នាក់ ក្នុងនោះរួមមានក្រុមប្លន់ និងក្រុមបង្កហិង្សាតាមទីសាធារណៈ។

លោកឧត្តមសេនីយ៍ឯក ជួន ណារិន្ទ បានបញ្ជាក់ថា ការបង្ក្រាបក្មេងទំនើង នឹងត្រូវបង្កើនទ្វេដង ចាប់តាំងពីថ្ងៃទី២៣ឧសភានេះ។