សៀមរាប៖ ព្រះរាជាណាចក្រកម្ពុជា បានត្រៀមខ្លួនរួចជាស្រេចនៅក្នុងការ​ទទួល​ធ្វើជា​ម្ចាស់ផ្ទះនៃការរៀបកិច្ចប្រជុំក្រុមប្រឹក្សាប្រតិបត្តិរបស់សហភាពប្រៃសណីយ៍ អាស៊ីប៉ាស៊ីហ្វិក (APPU Executive Council Meeting) និងកិច្ចប្រជុំធុរកិច្ច​ប្រៃសណីយ៍អាស៊ាន (ASEAN Postal Business Meeting) រយៈពេល៦ថ្ងៃ ចាប់ពីថ្ងៃទី១២ ដល់ថ្ងៃទី១៧ ខែសីហា ឆ្នាំ២០២៤ នៅទីក្រុងសៀមរាប ខេត្តសៀមរាប ។

ក្រសួងប្រៃសណីយ៍និងទូរគមនាគមន៍នឹងរៀបចំកិច្ចប្រជុំ ធុរកិច្ចប្រៃសណីយ៍អាស៊ាន (ASEAN Postal Business Meeting) នៅថ្ងៃទី៨-១០ ខែសីហា ឆ្នាំ២០២៤ និង​កិច្ចប្រជុំ ក្រុមប្រឹក្សាប្រតិបត្តិរបស់សហភាពប្រៃសណីយ៍អាស៊ីប៉ាស៊ីហ្វិក (APPU Executive Council Meeting) នៅថ្ងៃទី១២-១៧ ខែសីហា ឆ្នាំ២០២៤ សណ្ឋា​គារសុខា ខេត្តសៀមរាប។

ពិធីបើកកិច្ចប្រជុំក្រុមប្រឹក្សាប្រតិបត្តិរបស់សហភាពប្រៃសណីយ៍អាស៊ីប៉ាស៊ីហ្វិក និង​កម្មវិធីជប់លៀងបដិសណ្ឋារកិច្ចបើកកម្មវិធីកិច្ចប្រជុំ ធ្វើឡើងក្រោមអធិបតីភាព​ដ៏ខ្ពង់​ខ្ពស់របស់ ឯកឧត្តម ជា វ៉ាន់ដេត រដ្ឋមន្ត្រីក្រសួងក្រសួងប្រៃសណីយ៍ និងទូរគមនា​គម​ន៍ នៅសណ្ឋាគារ សុខា ខេត្តសៀមរាប នាថ្ងៃទី១២ ខែសីហា ឆ្នាំ២០២៤ ស្អែកនេះ។

កិច្ចប្រជុំនេះ ក៏មានការចូលរួមពី បណ្តាប្រទេសចំនួន32 ប្រទេស ចូលរួមនៅក្នុងកិច្ច​ប្រជុំនេះ ដោយក្នុងនោះដែរ សហភាពប្រៃសណីយ៍អាស៊ីប៉ាស៊ីហ្វិក (APPU) ប្រធាន​កិច្ចប្រជុំក្រុមប្រឹក្សាប្រតិបត្តិ APPU និងអគ្គនាយក នៃសហភាពប្រៃសណីយ៍សកល (UPU) ក៏និងអញ្ជើញឡើងថ្លែងសន្ទរកថា ផងដែរ។

គួរបញ្ជាក់ផងដែរថាប្រតិភូជាន់ខ្ពស់ មកពីបណ្តាប្រទេស នានាចំនួន៣២ បានមក ដល់អាកាសយានដ្ឋានអន្តរជាតិសៀមរាប-អង្គរ ប្រកបដោយសុខសុវត្តិភាព ដើម្បី ចូលរួមនៅក្នុងកិច្ចប្រជុំ ក្រុមប្រឹក្សាប្រតិបត្តិរបស់សហភាពប្រៃសណីយ៍ អាស៊ី ប៉ាស៊ី ហ្វិកនិងកិច្ចប្រជុំធុរកិច្ចប្រៃសណីយ៍អាស៊ាន នៅទីក្រុងសៀមរាប ខេត្តសៀមរាប ជាមួយនិងការទទួលស្វាគមន៍បដិសណ្ឋាកិច្ចយ៉ាងកក់ក្តៅ និងរាក់ ទាក់ពី មន្រ្តី ជាន់ខ្ពស់ នៃក្រសួងប្រៃសណីយ៍ និងទូរទគមនគមន៍ផងដែរ៕

អត្ថបទ ៖ ង៉ាន់ ទិត្យ
រូបភាព ៖ រិន រចនា