បាត់ដំបង៖ជាផ្នែកមួយនៃការសន្តោស និងធ្វើសមាហរណកម្មមក ក្នុងសង្គម ពិសេសការបង្កើតមុខរបរបន្ទាប់ពីបានធ្លាក់ខ្លួនជាជន
រងគ្រោះនោះ យុវជន-យុវនារី និងអ្នករងគ្រោះដោយសារគ្រឿង ញៀនចំនួន១៥៤ នាក់ បានបញ្ចប់នូវវគ្គបណ្តុះបណ្តាល​រយៈ​ពេល​ខ្លីទាំងផ្នែកទ្រឹស្តី និងវគ្គជំនាញខ្លី ក្រោយពីពួកគេទទួលបាននូវការ បន្សាបនិងការស្តារនីតិសម្បទា​ពីមជ្ឈមណ្ឌលបន្សាប​ស្តារនីតិ​សម្បទា អ្នកញៀនគ្រឿងញៀន កែ ស៊ីនួន ខេត្តបាត់ដំបង នៅស្រុករតនមណ្ឌល ខេត្តបាត់ដំបង។

អញ្ជើញចូលរួមក្នុងពិធីផ្តល់វិញ្ញាបនបត្របញ្ជាក់ការសិក្សាជំនាញខ្លីកាលពីថ្ងៃទី២១ ខែសីហា ឆ្នាំ២០២៤ ឯកឧត្តម សុខ លូ អភិបាលខេត្ត បាត់ដំបង បានលើកទឹកចិត្តដល់យុវជន-យុវនារី អ្នករងគ្រោះដោយ គ្រឿងញៀនទាំងកំពុងស្នាក់​នៅព្យាបាល និង​ត្រៀមបញ្ចប់វិលត្រឡប់ ទៅជួបជុំក្រុមគ្រួសារក្នុងសហគមន៍របស់ខ្លួនវិញ សូមប្រើចំណេះ ជំនាញនេះកសាងជីវិតជាថ្មីនិង​រស់នៅ​ដោយសុចរិត ជាពលរដ្ឋល្អ មានជីវភាពល្អប្រសើរ។

ឯកឧត្តមអភិបាលខេត្តបាត់ដំបង បានរំលឹកទៀតថាយើងមកទីនេះ គឺសំខាន់ធ្វើការកែប្រែ និងព្យាបាល ដើម្បីបន្សាបនិងស្តារនីតិ​សម្បទារបស់ខ្លួនឡើងវិញ ហើយត្រូវតែ”ឆ្លើយថា ទេ! ចំពោះគ្រឿង ញៀន”។ឯកឧត្តមក៏បានកោតសរសើរផងដែរ ដល់ថ្នាក់ដឹកនាំ​មជ្ឈមណ្ឌលបន្សាប​ស្តារនីតិ​សម្បទា អ្នកញៀនគ្រឿងញៀន កែ ស៊ីនួន ខេត្តបាត់ដំបងដែលបានរួមចំណែកយ៉ាងធំធេងក្នុងការជួយ
ដល់ជនរងគ្រោះដោយគ្រឿនញៀន។

តាមការបញ្ជាក់របស់វេជ្ជបណ្ឌិត កែស៊ីនួន ប្រធានមជ្ឈមណ្ឌល បន្សាប ស្តារនីតិសម្បទាអ្នកញៀនគ្រឿងញៀន កែ ស៊ីនួន ខេត្ត​បាត់ដំបង បានឱ្យដឹងថា ចាប់តាំងពីមជ្ឈមណ្ឌលបើកដំណើរការជាផ្លូវការ មជ្ឈមណ្ឌលបានទទួលយកយុវជនយុវនារីនិងអ្នករងគ្រោះ​ដោយ សារ គ្រឿងញៀនមកសម្រាកព្យាបាលបន្សាប និងស្តារនីតិសម្បទាចំនួន ១ ៣០០នាក់(នារី៧២នាក់)។ក្នុងនោះតាមរយៈ​ក្រុមគ្រួសារ អាណា ព្យាបាលចំនួន ៥៨៨នាក់។បច្ចុប្បន្នអ្នកកំពុងកែប្រែ ព្យាបាលបន្សាប និងស្តារនីតិសម្បទាចំនួន​ ៤២៣នាក់​​(នារី​២៤នាក់)។មជ្ឈមណ្ឌលបាន ផ្តល់ការបណ្ដុះបណ្ដាលលើមុខជំនាញ​ខ្លីចំនួនបីមុខវិជ្ជារួមមាន៖ផ្នែកបន្សាបនិងព្យាបាល ,ផ្នែកអប់រំ បំណិនជីវិតនិងផ្នែកបណ្តុះ បណ្តាលមុខជំនាញនិងវិជ្ជាជីវៈ រយៈពេលខ្លី៕

អត្ថបទ-រូបភាព៖ អ៊ុក សំអាន បប.