រតនគិរី៖ កិច្ចប្រជុំនេះប្រារព្ធធ្វើឡើងនៅសាលប្រជុំអគារB សាលាខេត្តរតនគិរី ព្រឹកថ្ងៃទី៨ ខែតុលា ឆ្នាំ២០២៤ ក្រោមអធិបតីភាព ឯកឧត្តម ម៉ា វិចិត្រ អភិបាលរង
ខេត្ត និងជាប្រធានគណៈកម្មការជំនាញខេត្តរតនគិរី និងលោកជំទាវ ង្វៀន ធីថាញ់លីច អនុប្រធានគណៈកម្មាធិការប្រជាជនខេត្តយ៉ាឡាយ។

កិច្ចប្រជុំមានគោលបំណង ដើម្បីដាក់ចេញនូវផែនការអនុវត្តខ្លឹមសារដែល​បាន​ពិគ្រោះ​យោបល់ តាមខ្លឹមសារ នៃកំណត់ហេតុកិច្ចប្រជុំរវាងគណៈកម្មការ​រុករក​ជីកគាស់ខេត្តរតនគិរី ព្រះរាជាណាចក្រកម្ពុជា ជាមួយគណៈកម្មការរុករក ជីកគាស់​ខេត្តយ៉ាឡាយ នៃសាធារណៈរដ្ឋសង្គមនិយមវៀតណាមសម្រាប់រដូវប្រាំ​ង​ឆ្នាំ២០២៤-២០២៥នៅក្នុងភូមិសាស្រ្តខេត្តរតនគិរី។

សូមបញ្ជាក់ថា យោងតាមខ្លឹមសារកិច្ចព្រមព្រៀង ដែលបានចុះហត្ថលេខារវាងរដ្ឋាភិបាល នៃសាធារណរដ្ឋសង្គមនិយមវៀតណាម ជាមួយរាជរដ្ឋាភិបាល នៃព្រះរាជាណាចក្រកម្ពុជា។ គណៈកម្មការជំនាញខេត្តទាំងពីរ បានរួមសហការគ្នាយ៉ាងសកម្មក្នុងការអនុវត្តរុករកគាស់លើកអដ្ឋិធាតុកងទ័ពស្ម័គ្រចិត្ត និងអ្នកជំនាញការវៀតណាម នៅក្នុងភូមិសាស្ត្រខេត្តរតនគិរី និងធ្វើមាតុភូមិនិវត្តន៍ បានសរុបចំនួន ៥៤០ អដ្ឋិធា​​តុ៕

ដោយ ៖ គតិ យុត្ត