អាមេរិក- អបអរសាទរ អត្តពលិកម៉ូតូទឹកកម្ពុជា កីឡាករ សាលី ហ្វីលីន ដណ្តើមបានមេដាយមាស១គ្រឿង លើវិញ្ញាសា Amateur Ranabout 1100 Limited ពីការប្រកួត ក្នុងព្រឹត្តិការណ៍ប្រណាំងម៉ូតូទឹកពិភពលោក WGP1 World Serie America-USA ជុំទី២ នៅរដ្ឋ អារីហ្សូណា សហរដ្ឋអាមេរិក ថ្ងៃទី ០៨ ខែតុលា ឆ្នាំ២០២៤។
គិតត្រឹមថ្ងៃទី១០ អត្តពលិកម៉ូតូទឹកកម្ពុជា ដណ្តើមបានមេដាយសរុប ៥គ្រឿង មាស៣ ប្រាក់២ គ្រឿង។ ក្នុងនោះ កីឡាករ កៃវ៉ាន់ ស៊ីដែន ឈ្នះមេដាយមាស លើវិញ្ញាសា Novice Ski Stock ហ្វីលីន សាលី ឈ្នះ៣គ្រឿង មេដាយមាស១ វិញ្ញាសា Amateur Ranabout 1100 Limited និងលើវិញ្ញាសា Super Stock មេដាយប្រាក់១ គ្រឿង កីឡាករ មីន ម៉ូស្តាន់ ឈ្នះមេដាយប្រាក់ លើវិញ្ញាសា Novice Runabout 1100 Stock។
សូមបញ្ជាក់ថា ការប្រកួត ក្នុងព្រឹត្តិការណ៍ប្រណាំងម៉ូតូទឹកពិភពលោក WGP1 World Serie America-USA ជុំទី២ នៅរដ្ឋ អារីហ្សូណា សហរដ្ឋអាមេរិក កម្ពុជាបញ្ជូនអត្តពលិក៥នាក់ចូលរួម ដឹកនាំដោយវីរ:កីឡាករ សាលី អ៊ូម៉ើត និងទទួលបានការឧបត្ថម្ភ ទាំងស្រុងពីលោក Henry Knauf ប្រធានក្លឹប Flamingo Thailand ៕ចាន់ វិចិត្រ