(ភ្នំពេញ)៖ ឧត្តមក្រុមប្រឹក្សានៃអង្គចៅក្រម បានចេញសេចក្តីប្រកាសមួយស្ដីពីការដាក់ វិន័យការងាររបស់ លោកស្រី ពេជ្រ ម៉ារ៉ែន ប្រធានសាលាដំបូងខេត្តតាកែវ។

បើយោងតាមសេចក្តីប្រកាសនៅថ្ងៃទី២០ ខែកុម្ភៈ ឆ្នាំ២០២៥ឧត្តមក្រុមប្រឹក្សានៃអង្គចៅក្រមបានលើកឡើងអំពីកំហុសឆ្គងការងារមួយចំនួនរបស់លោកស្រី ពេជ្រ ម៉ារ៉ែន ដែលបានសម្រេចដោះលែងដោយមានលក្ខខណ្ឌចំពោះទណ្ឌិត ១រូប ដែលត្រូវបាន តុលាការសម្រេចផ្តន្ទាទោសដាក់ពន្ធនាគារកំណត់ ១១ឆ្នាំ ពីបទ “ឃាតកម្ម” ដែលជាប្រភេទបទឧក្រិដ្ឋ។

ក្នុងការសម្រេចដោះលែងទណ្ឌិតដែលជាប់ទោសពីបទឃាតកម្មនេះដែរត្រូវបានឧត្តមក្រុមប្រឹក្សានៃអង្គចៅក្រមចាត់ទុកថា គឺជាការរំលោភបំពានយ៉ាងធ្ងន់ធ្ងរលើមាត្រា១៥៣ នៃក្រមនីតិវិធីព្រហ្មទណ្ឌ៕

ដោយ ៖ ម៉ាដេប៉ូ