បរទេស៖ រដ្ឋមន្ត្រីក្រសួងការបរទេសអាល្លឺម៉ង់ បាននិយាយ កាលពីថ្ងៃអង្គារថា ប្រធានាធិបតីរុស្ស៊ី លោក ពូទីន មិនចង់បានសន្តិភាព នៅពេលនេះទេ។

លោកស្រី Annalena Baerbock រដ្ឋមន្ត្រីក្រសួងការបរទេសអាល្លឺម៉ង់ បាននិយាយ នៅក្នុងសន្និសីទសារព័ត៌មានរួមគ្នា នៅទីក្រុង Kyiv ជាមួយប្រធានាធិបតីអ៊ុយក្រែន លោក Zelensky ថា «អ៊ុយក្រែនបានយល់ព្រមលើបទឈប់បាញ់ ដោយគ្មានលក្ខខណ្ឌ ប៉ុន្តែ ប្រធានាធិបតីរុស្ស៊ីមិនបានយល់ព្រមទេ» ។

លោកស្រី រដ្ឋមន្ត្រីក្រសួងការបរទេសអាល្លឺម៉ង់រូបនេះ ចោទប្រកាន់ប្រធានាធិបតីរុស្ស៊ី លោក វ្ល៉ាឌីមៀ ពូទីន ពីការធ្វើឲ្យជាប់គាំងកិច្ចចរចា ដើម្បីបញ្ឈប់ការប្រយុទ្ធ នៅអ៊ុយក្រែន។

លោកស្រីថា «គាត់កំពុងបង្វែរផ្លូវ ចេញពីការចរចា ដោយបន្តសង្គ្រាមឈ្លានពាន ខុសច្បាប់របស់គាត់ និងកាន់តែតានតឹងជាមួយនឹងការវាយប្រហារដ៏ឃោរឃៅ និងគំរាមកំហែង លើលំនៅដ្ឋាន»៕

ប្រភពពី AFP ប្រែសម្រួល៖ សារ៉ាត