បរទេស ៖ ឡាន Tesla ត្រូវបានកម្ទេចចោល ដោយដំបងវាយកូនបាល់ នៅទីក្រុងឡុងដ៍ ប្រទេសអង់គ្លេស ក្នុងព្រឹត្តិការណ៍មួយ ដែលរៀបចំដោយក្រុមយុទ្ធនាការ ចក្រភពអង់គ្លេស «Everyone Hates Elon» ឬ «មនុស្សគ្រប់គ្នា ស្អប់ Elon» កាលពីថ្ងៃព្រហស្បតិ៍។

រថយន្តដែលបរិច្ចាគ ត្រូវបានកម្ទេច ដើម្បីបង្កើតស្នាដៃសិល្បៈ «London vs Musk» ឬ «ក្រុងឡុងដ៍ ទល់និង Musk» នឹងត្រូវដាក់លក់ បន្ទាប់ពីវាយកម្ទេច ដើម្បីរៃអង្គាសប្រាក់សម្រាប់ធនាគារអាហារ។

អ្នកចូលរួមម្នាក់ និយាយថា «របៀបវារៈរបស់ Elon Musk ស្តីពីសិទ្ធិឆ្លងដែន និង បញ្ហា នៅ Gaza ធ្វើឱ្យខ្ញុំខូចចិត្ត ហើយខ្ញុំគ្រាន់តែចង់មកទីនេះ ហើយចូលចិត្តបញ្ចេញកំហឹងរបស់ខ្ញុំ ខ្ញុំមានអារម្មណ៍ថា មានតែការធ្វើបែបនេះទេ ដើម្បីបន្ធូរកំហឹង » ។

គួរបញ្ជាក់ថា កន្លែងដាក់តាំងបង្ហាញឡាន ឬ Showroom របស់ក្រុមហ៊ុនអគ្គិសនី Tesla ដែលមានលោក Elon Musk ជានាយកប្រតិបត្តិ ត្រូវបានវាយប្រហារ ជាបន្តបន្ទាប់ នាពេលថ្មីៗនេះ ស្របពេលដែលមានការផ្ទុះបាតុកម្មតវ៉ា ប្រឆាំងនឹងរូបលោក Musk ជាទីប្រឹក្សាជាន់ខ្ពស់ របស់លោកប្រធានាធិបតី Donald Trump ដែលបានដឹកនាំនាយកដ្ឋានប្រសិទ្ធិភាព រដ្ឋាភិបាលអាមេរិក កាត់បន្ថយចំណាយដ៏លើសលុប នាំឲ្យមានការព្យួរតំណែងបុគ្គលិកសហព័ន្ធ រាប់ម៉ឺននាក់ តែ សកម្មភាពតវ៉ាបានរាលដាល ដល់ប្រទេសផ្សេងទៀត៕

ប្រភពពី AFP ប្រែសម្រួល៖ សារ៉ាត