នៅឆមាសទី១ ឆ្នាំ២០១៨នេះ ធនាគារជាតិនៃកម្ពុជា បានបង្ហាញនៅក្នុងសន្និបាតបូកសរុបការងារប្រចាំឆមាសទី១ និងលើកទិសដៅបន្តរបស់ខ្លួន គ្រឹះស្ថានឥណទានជនបទប្រមាណ៥០ដែលមិនអាចគោរពតាមច្បាប់ និងបទប្បញ្ញត្តិដែលមានជាធរមានរបស់ធនាគារជាតិនៃកម្ពុជា ត្រូវបានបិទ ដែលក្នុងនោះមានគ្រឹះស្ថានមួយចំនួនបានបញ្ឈប់ដំណើរការដោយខ្លួនឯង និងគ្រឹះស្ថានផ្សេងទៀតត្រូវបានបញ្ឈប់ដោយធនាគារជាតិនៃកម្ពុជា។ លើសពីនេះ អត្រាការប្រាក់ក្នុងវិស័យហិរញ្ញវត្ថុបានធ្លាក់ចុះគួរឱ្យកត់សម្គាល់ពីប្រមាណ៣៤% ចំពោះឥណទានជាប្រាក់រៀល និង២៩% ជាប្រាក់ដុល្លារអាម៉េរិកនៅឆ្នាំ២០១៦ មកត្រឹម ១៧,៨៥% និង១៧,១៥% រៀងគ្នា។