ភ្នំពេញ ៖ យុវជន៣នាក់ ម្នាក់របួសធ្ងន់ ពីរនាក់ទៀតស្លាប់ទន្ទឹមគ្នានៅនឹងកន្លែង បន្ទាប់ពីពួកគេជិះម៉ូតូមួយគ្រឿងឌុបគ្នាចេញពីរាំលេងក្លឹប ទៅបុកជាមួយរថយន្តកូរ៉េ២តោនកន្លះក្នុងទិសដៅបញ្ច្រាស់គ្នាយ៉ាងពេញទំហឹង កាលពីវេលាម៉ោង១ និង៥០នាទីរំលងអាធ្រាត ឈានចូលថ្ងៃទី៩ ខែកក្កដា ឆ្នាំ២០១៨  នៅចំណុចមុខ សួនឧទ្យានវត្ឍនៈ២ តាមបណ្ដោយផ្លូវជាតិលេខ៣ ស្ថិតក្នុងភូមិទឹកថ្លា សង្កាត់ក្រាំងពង្រ ខណ្ឌដង្កោ រាជធានីភ្នំពេញ ។