ថៃ៖ ថ្ងៃនេះជាកាលបរិច្ឆេតចុងក្រោយដែលបាតុករទាមទារឲ្យនាយករដ្ឋមន្ត្រី ប្រាយុទ្ធចុះចេញ
ក្រុមបាតុករថៃបានបានទុកពេល៣ថ្ងៃឲ្យលោក ប្រាយុទ្ធ ចាន់អូចា ចុះចេញពីតំណែង ហើយថ្ងៃទី២៤ តុលា ២០២០នេះ គឺជាកាលបរិច្ឆេតចុងក្រោយហើយ។
ក្រុមបាតុករគាំទ្រលទ្ធិប្រជាធិបតេយ្យ ឬ Ratsadon បានប្រមូលផ្តុំគ្នា នៅមុខពន្ធនាគារ Bangkok Remand ស្ថិតក្នុងតំបន់ Chatuchak តាំងពីរសៀលថ្ងៃសុក្រ ទី២៣ តុលា ជំរុញឲ្យអាជ្ញាធរដោះលែងក្រុមមេដឹកនាំបាតុករ ដែលត្រូវបានចាប់ខ្លួន និងឃុំឃាំងក្នុងពន្ធនាគារមួយនេះ។
ក្រុមបាតុករបានសន្យាថា នៅបន្តនៅជួបជុំរហូតដល់យប់ ខណៈដែលរបាំងដែកជាច្រើនត្រូវបានដាក់ពង្រាយនៅលើផ្លូវ បិទចរាចរណ៍ និងអនុញ្ញាតឲ្យចូលតែថយន្តក្រុមអ្នកចូលរួមនិងឡានពេទ្យ។
ក្រុមបាតុករស្រែកទាមទារឲ្យលោក ប្រាយុទ្ធ ចាន់អូចា នាយករដ្ឋមន្ត្រីលាឈប់ពីតំណែង ហើយដោះលែងជាបន្ទាន់នូវក្រុមមេដឹកនាំបាតុករ រួមមានឈ្មោះ Anon Nampa, Panusaya “Rung” Sithijirawattankul, Panupong “Mike Rayong” Chadnok, Parit “Penguin” Chiwarak, Ekachai Hongkangwan, Suranat Paenprasert, Somyot Pruksakasemsuk និង Patiphan Leucha ។ នៅទីតាំងបាតុកម្ម ក៏មានការប្រគុំតន្ត្រីទៀតផង ដើម្បីទាមទារឲ្យមានការដោះលែង៕ ប្រភពពី The Nation
