ភ្នំពេញ  ៖  រថយន្តស៊េរីទំនេីបLand Cruiser មួយគ្រឿង  ខណៈធ្វេីដំណេីរដល់ផ្លូវបំបែកជាបួន  ក៏ត្រូវបានរថយន្តសុិនទ្រី  បុកចំគូទពីចហៀងពេញទំហឹង  បណ្ដាលឲ្យរងការខូចខាតយ៉ាងដំណំ  បង្កការភ្ញាក់ផ្អេីលដល់សមត្ថកិច្ចមូលដ្ឋាន  កាលពីវេលាម៉ោង១  និង៥០នាទីរំលងអាធ្រាត្រ  ឈានចូលថ្ងៃទី ២២  ខែវិច្ឆិកា  ឆ្នាំ ២០២០  នៅតាមបណ្ដោយផ្លូវ១៩៩  កែងផ្លូវ៣៨៨  ក្នុងសង្កាត់ទួលស្វាយព្រៃ២  ខណ្ឌបឹងកេងកង  រាជធានីភ្នំពេញ  ។ 

តាមប្រភពពីកន្លែងកេីតហេតុបានឲ្យដឹងថា  ដំបូងរថយន្តស៊េរីទំនេីបLand Cruiser  ពណ៌ខ្មៅ  ពាក់ស្លាកលេខភ្នំពេញ  2AV-5500 ធ្វេីដំណេីរតាមបណ្ដោយផ្លូវ៣៨៨  ទិសដៅពីត្បូងមកជេីងក្នុងល្បឿនល្មម  ខណៈមកដល់ផ្លូវបំបែកជាបួនបានឆ្លងផ្លូវពាក់កណ្ដាល  ក៏ត្រូវរថយន្តសុិនទ្រី  ពណ៌លឿង  គ្មានស្លាកលេខ  ធ្វេីដំណេីរតាមបណ្ដោយផ្លូវ១៩៩  ទិសដៅពីកេីតមកលិចក្នុងល្បឿនលឿន  បានបុករថយន្ត Land Cruiser  ចំពីចហៀងគូទវិញជិតមួយជុំបណ្ដាលឲ្យរងការខូចខាកាងនិងស្ទុបយ៉ាងដំណំ  តែក៏សំណាងល្អមិនធ្វេីឲ្យមនុស្សណាម្នាក់រងរបួស  ឬគ្រោះថ្នាក់ដល់អាយុជីវិតនោះទេ  ។ 

 ក្រោយកេីតហេតុភ្លាមៗ  តៃកុងរថយន្តសុិនទ្រី  និងកម្មករប្រមូលសម្រាម  បាននាំគ្នាគេចខ្លួនបាត់អស់ដោយ បន្សល់ទុក រថយន្តនៅកន្លែងកេីតហេតុ  តែមួយសន្ទុះក្រោយមកក៏មានដំណាងរថយន្តសុិនទ្រីចុះមកដោះស្រាយ  និងអះអាងថា  ព្រមយករថយន្ត Land Cruiser  ទៅជួសជុលឲ្យស្អាតដូចដេីមជូនដល់ជនរងគ្រោះវិញ ដេីម្បីបញ្ចប់រឿង  ៕  ដោយ  ៖  ជីម  ភារ៉ា