តូបលក់ដូរតាមដងផ្លូវ នៅមុខមជ្ឈមណ្ឌលពាណិជ្ជកម្មក្រុងព្រះសីហនុ រងការឆាបឆេះអស់ចំនួន៤តូប
អត្ថបទដោយ៖
ជា សេឌី
តូបលក់ដូរតាមដងផ្លូវ នៅមុខមជ្ឈមណ្ឌលពាណិជ្ជកម្មក្រុងព្រះសីហនុ រងការឆាបឆេះអស់ចំនួន៤តូបកាលពីរសៀលថ្ងៃទី២១ ខែមករា ឆ្នាំ២០២១ ស្ថិតក្នុងសង្កាត់លេខ៤ ក្រុងព្រះសីហនុ បានបណ្តាល អោយឆេះខូចខាតតូបលក់ដូរ មាន៖ តូបលក់ផ្កា តូបលក់ចាប់ហួយចំរុះ លក់សាំងដប និងតូបលក់ទូរស័ព្ទនិងឥវ៉ាន់មួយចំនួន តែមិនបណ្តាលអោយមនុស្សរងបួសទេ។
តាមព័ត៌មានបឋមពីអ្នកឃើញហេតុការណ៍នេះអោយដឹងថា អគ្គីភ័យទំនងជាបានឆេះចេញពីតូបមានលក់សាំងដប នៅផ្នែកកណ្តាល រួចក៏រាលដាលទៅតូបនៅសងខាងជាប់គ្នា។ សមត្ថកិច្ចពន្លត់អគ្គីភ័យបានចេញអន្តរាគមន៍សង្គ្រោះភ្លាមៗ ដើម្បីទប់ស្កាត់ការឆេះរាលដាលដល់តូបលក់ដូរផ្សេងទៀត។
យ៉ាងណាសមត្ថកិច្ចជំនាញមិនទាន់បានបង្ហាញអំពីមូលហេតុដែលបណ្តាលអោយកើតមានគ្រោះអគ្គីភ័យនេះនៅឡើយ។ រីឯអាជ្ញាធរក្នុងមូលដ្ឋានក៏មិនទាន់បានបញ្ជាក់អំពីទំហំនៃការខូចខាតនេះដែរ៕
ជា សេឌី
មិនត្រឹមតែមានជំនាញផ្នែកកាត់តដ៏ប៉ិនប្រសប់ ថែមទាំងជាអ្នកនិពន្ធអត្ថបទទូទៅ និងបញ្ចូលសម្លេងបានយ៉ាងល្អទៀតផង។ ជំនាញទាំងនេះ នឹងផ្តល់ជូនអ្នកអាន និងអ្នកទស្សនានូវព័ត៌មានប្រកបដោយគុណភាព និងវិជ្ជាជីវៈ។
