សែលកាតបង្ហាញអតិថិជនរបស់ខ្លួនដែលឈ្នះរង្វាន់រថយន្តនិងម៉ូតូក្នុងកម្មវិធីកោសឈ្នះ! ស្កេនឈ្នះ! រដូវកាលទី២
ដោយ៖ម៉ាដេប៉ូ
ភ្នំពេញ៖ កម្មវិធីមួយដែលមានឈ្មោះថា កោសឈ្នះ! ស្កេនឈ្នះ! រដូវកាលទី ២ របស់ក្រុមហ៊ុន សែលកាតបានប្រកាសបញ្ចប់ទៅជាមួយនឹងការចាប់រង្វាន់ដ៏ធំកាលពីថ្ងៃចុងខែមករាមកនេះ ដោយក្នុងនេះបានផ្តល់ជូនអតិថិជនរបស់ខ្លួនដ៏មានសំណាងម្នាក់ឈ្នះរថយន្តថ្មីម៉ាក Toyota Rush 2020ថែមទៀត។
តាមរយៈការប្រកាសរបស់ក្រុមហ៊ុនមួយនេះដែរគេឃើញអតិថិជនមួយរូប មានឈ្មោះ ឡឹម ឆាយចាន់ថុល ជាប្រជាពលរដ្ឋនៃភូមិទៀនភ្លើង ឃុំស្មោងខាងជើង ស្រុកកំចាយមារ ខេត្តព្រៃវែង បានឈ្នះរង្វានធំជារថយន្ត។ជាមួយការឈ្នះរង្វាន់ធំបំផុតនេះដែរ គាត់បានបញ្ជាក់ថា «ខ្ញុំគិតថាឱកាសឈ្នះរង្វាន់រថយន្ត Toyota Rush 2020 នេះ។វាពិតជាមិននឹកស្មានដល់ពិតមែន ព្រោះរង្វាន់ដ៏អស្ចារ្យនេះ មិនងាយមានអ្នកទទួលបានឡើយ។ទីបំផុតខ្ញុំបានឈ្នះហើយទទួលវានៅក្នុងអំឡុងដើមឆ្នាំថ្មីនេះតែម្តង»។
សូមបញ្ជាក់ថា កម្មវិធី កោសឈ្នះ! ស្កេនឈ្នះ! រដូវកាលទី ២របស់សែលកាត ក៏បានផ្តល់រង្វាន់ម៉ូតូ Yamaha 2020 X-Rides ចំនួនពីរគ្រឿង បន្ថែមពីលើរង្វាន់ថ្មីៗជាច្រើនទៀត។ នៅក្នុងកម្មវិធីនេះ អតិថិជនមានឱកាសគ្រប់ពេលដើម្បីឈ្នះរង្វាន់ភ្លាមៗ ជាមួយទឹកប្រាក់រហូតដល់ទៅ ១00ដុល្លារ ឬទិន្នន័យ ៥00 មេកាបៃ សម្រាប់លេងអ៊ីនធើណេតដោយឥតគិតថ្លៃផងដែរ។
ដោយឡែកសម្រាប់អតិថិជនដែលមានសំណាងឈ្នះរង្វាន់ម៉ូតូម៉ាក Yamaha 2020 X-Rides មានឈ្មោះ ណន ធារក្ស ជាកម្មករកាត់ដេរ មកពីភូមិកោះចំការ ឃុំបឹងសាឡាខាងត្បូង ស្រុកកំពង់ត្រាច ខេត្តកំពត និងម្នាក់ទៀតមានឈ្មោះ ថង សុធា ជាអ្នកនាំសំបុត្រ មកពីភូមិគោកធំ ឃុំព្រៃស្រឡិត ស្រុកពារាំង ខេត្តព្រៃវែង។
ពាក់ព័ន្ធក្នុងរឿងនេះលោក អៀន វ៉ាតសុន (Ian Watson) នាយកប្រតិបត្តិក្រុមហ៊ុន សែលកាត បានឱ្យដឹងថា៖ “យើងពិតជាមានសេចក្តីសោមនស្សរីករាយបំផុត ចំពោះអតិថិជនដែលបានឈ្នះរង្វាន់នៅក្នុងកម្មវិធី កោសឈ្នះ! ស្កេនឈ្នះ! នារដូវកាលនេះ។ កម្មវិធីនេះ នៅតែជាកម្មវិធីដ៏ជោគជ័យបំផុតមួយ ហើយកំពុងទទួលការពេញនិយមយ៉ាងខ្លាំងពីសំណាក់អតិថិជនរបស់យើង”។
គួរបញ្ជាក់ថាអតិថិជនដែលបានឈ្នះរង្វាន់រថយន្ត Toyota Rush 2020 នឹងបង្ហាញវត្តមាននៅក្នុងកម្មវិធីប្រគល់រង្វាន់ ដែលនឹងប្រព្រឹត្តទៅនៅថ្ងៃទី០៣ ខែកុម្ភៈ នេះ៕
