ថៃ៖ បាងកកបើកក្លឹបរាត្រី កន្លែងម៉ាសា និងទីតាំងកម្សាន្តនានាវិញ ចាប់ពីយប់នេះ
ក្លឹបនិងទីតាំងកម្សាន្តពេលយប់នានានៅក្នុងរាជធានីបាងកក ប្រទេសថៃ អាចបើកដំណើរការឡើងវិញ រហូតដល់ម៉ោង១១យប់ ចាប់ពីថ្ងៃទី២៣ កុម្ភៈ ២០២០១នេះ បន្ទាប់ពីគណៈកម្មការទប់ស្កាត់បានបន្ធូរបន្ថយការរឹតបន្តឹងបង្ការកូវីដ១៩ នេះបើតាមអ្នកនាំពាក្យសាលាក្រុង ចេញផ្សាយដោយសារព័ត៌មាន The Nation នាប៉ុន្មានម៉ោងមុននេះ។
ប្រភពថា ភោជនីយដ្ឋាននានាអាចបំរើសេវាកម្មអាហារ និងស្រា រហូតដល់ម៉ោង១១យប់ ហើយកន្លែងម៉ាសា ក្លឹបកម្សាន្ត និងទីតាំងកម្សាន្តផ្សេងៗទៀតក៏អាចបើកឡើងវិញ រហូតដល់ម៉ោង១១យប់ ប៉ុន្តែតុអង្គុយត្រូវរក្សាគម្លាត គ្មានការរាំលេង ហើយនិងមានការពិនិត្យវត្តមានត្រឹមត្រូវ។ កន្លែងហាត់ប្រាណនានា ក៏អាចបើកធម្មតាវិញ ខណៈដែលស្តាលេងកីឡាអាចដំណើរការបានតែចំនួនមានកំណត់។ សាលារៀននៅក្រុងបាងកកក៏អាចដំណើរការបានជាធម្មតាដែរ។
ការបន្ធូរបន្ថយនេះធ្វើឡើង ក្រោយពេលអត្រាឆ្លងកូវីដ១៩នៅថៃបានបន្តធ្លាក់ចុះ ក្រោម១០០នាក់ ក្នុងមួយថ្ងៃ ខណៈដែលវ៉ាក់សាំងឈុតដំបូងនឹងមកដល់ស្អែកនេះ៕