សែលកាតប្រគល់ជូននូវទឹកប្រាក់ ៨៥0,000 ដុល្លារទៅកាន់សហគមន៍វិញក្នុងត្រីមាសដំបូងនៃឆ្នាំ២០២១
ដោយ៖ម៉ាដេប៉ូ
រាជធានីភ្នំពេញ៖ ថ្ងៃទី ០៨ មេសា ២០២១នេះក្រុមហ៊ុនសែលកាត បានប្រគល់ជូនអតិថិជនរបស់ខ្លួន នូវទឹកប្រាក់សរុបចំនួន ៨៥0,000 ដុល្លារ នៅក្នុងកម្មវិធីប្រម៉ូសិនដ៏ពេញនិយមបំផុតមួយរបស់ខ្លួន ដែលត្រូវបានធ្វើឡើងពេញមួយត្រីមាសដំបូងនៃឆ្នាំ ២០២១នេះ។
ប្រភពពីក្រុមហ៊ុនសែលកាតបានឱ្យដឹងថាចំនួនទឹកប្រាក់ដែលបានផ្តល់ជូននៅក្នុងកម្មវិធីឈ្នះមួយម៉ឺនដុល្លាររៀងរាល់ថ្ងៃ រួមមាន ៣00,000 ដុល្លារក្នុងខែមករា ២៣០០០០ ដុល្លារក្នុងខែកុម្ភៈ និង ៣២0,000 ដុល្លារទៀត នៅក្នុងខែមីនា។
ប្រាក់រង្វាន់លើកទឹកចិត្តនេះ ត្រូវបានប្រគល់ជូនដល់អតិថិជនមានសំណាងចំនួន ១៤នាក់ ដែលពួកគាត់មានទីលំនៅនៅតំបន់ផ្សេងៗគ្នាដូចជា រាជធានីភ្នំពេញ កំពង់ធំ ពោធិសាត់ ព្រះសីហនុ កំពង់ឆ្នាំង ព្រៃវែង រតនគីរី បាត់ដំបង កំពង់ចាម និងខេត្តកណ្ដាល។
ទឹកប្រាក់ដែលឈ្នះ មានចាប់ពី ១0,000 ដុល្លារ រហូតទៅដល់ ៩0,000 ដុល្លារ ដែលទឹកប្រាក់ទាំងនេះ អាចនឹងប្រើប្រាស់ជាជំនួយផ្នែកហិរញ្ញវត្ថុដ៏ចាំបាច់នៅក្នុងគ្រួសារក្នុងអំឡុងស្ថានភាពដ៏ពិបាកក្នុងពេលបច្ចុប្បន្ននេះ។
ដោយឡែកកាលពីថ្ងៃទី ២១ ខែមីនា អ្នកស្រី ឡុច ចាន់ស៊ីណា ដែលជាពលរដ្ឋរស់នៅរាជធានីភ្នំពេញ បានក្លាយជាអ្នកមានសំណាងចុងក្រោយ ដែលបានឈ្នះនូវទឹកប្រាក់ចំនួន ៩ម៉ឺនដុល្លារ។ គាត់បានឱ្យដឹងថា៖ “ខ្ញុំពិតជាមិនជឿសោះ នៅពេលដែលទទួលបានដំណឹងនេះ”។ ខ្ញុំបានឈ្នះទឹកប្រាក់ដែលអាចជួយកែប្រែជីវិតបាននេះ នៅក្នុងអំឡុងស្ថានភាពដ៏ពិបាកតែម្តង។ ខ្ញុំពិតជាសប្បាយចិត្តខ្លាំងណាស់។”
សម្រាប់កាលពីដើមខែមីនាកន្លងទៅថ្មីៗនេះ អ្នកនាង វ៉ែន ធីរ៉ាត់ ដែលជាពលរដ្ឋរស់នៅក្នុងខេត្តភ្នំពេញ បានឈ្នះប្រាក់រង្វាន់ចំនួន៩ ម៉ឺនដុល្លារ។
លោក អៀន វ៉ាតសុន (Ian Watson) នាយកប្រតិបត្តិក្រុមហ៊ុនសែលកាត បានឱ្យដឹងថា លោកមានក្តីសោមនស្សបំផុតដែលបានឃើញថវិការនេះ បានទៅដល់ដៃពលរដ្ឋ និងសហគមន៍ ដែលកំពុងត្រូវការវាសម្រាប់ទូទាត់ថ្លៃចំណាយនៅក្នុងផ្ទះ ចំណាយក្នុងអាជីវកម្ម ក៏ដូចជាការទូទាត់ចំណាយប្រចាំថ្ងៃផ្សេងៗទៀតផងដែរ។
“ចំពោះក្រុមហ៊ុនសែលកាត ពួកយើងតែងប្តេជ្ញាចិត្តក្នុងការជួយកែប្រែជីវភាពរស់នៅរបស់ប្រជាពលរដ្ឋ និងតបស្នងជូនទៅកាន់សហគមន៍វិញ ជាពិសេសនៅពេលដែលពួកគេកំពុងមានតម្រូវការខ្លាំងបំផុតតែម្តង”។
គួរបញ្ជាក់ថាដើម្បីមានឱកាសឈ្នះរង្វាន់ប្រចាំថ្ងៃអតិថិជនក្រុមហ៊ុននេះអាចទូរស័ព្ទ ឬផ្ញើសារ “10K” ទៅកាន់លេខ 8888 ហើយបន្ទាប់មកអ្នកនឹងទទួលលេខផ្សងសំណាង ដែលមាន 6ខ្ទង់។ អ្នកឈ្នះ នឹងត្រូវបានប្រកាសជូនឱ្យដឹងជារៀងរាល់ថ្ងៃ នៅម៉ោង ៧យប់ នៅលើកញ្ចក់ទូរទស្សន៍ CTN និងនៅលើទំព័រហ្វេសប៊ុកផ្លូវការរបស់ CTN ហើយក៏ត្រូវបានចែករំលែកនៅលើប៉ុស្តិ៍យូធូបរបស់សែលកាតផងដែរ៕