យោងតាមក្រសួងសុខាភិបាល នៅថ្ងៃទី២៩ មេសា ឆ្នាំ២០២១ បានឲ្យដឹងថា នៅថ្ងៃ២៨ មេសា គេបានរកឃើញអ្នកវិជ្ជមានកូវីដ-១៩ ចំនួន៨៨០នាក់ ដែលអ្នកទាំងនោះពាក់ព័ន្ធនឹងព្រឹត្តិការណ៍សហគមន៍ ២០កុម្ភៈទាំងអស់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃនេះ មានអ្នកជាសះស្បើយពីជំងឺកូវីដ-១៩ ចំនួន ២៨៨នាក់ផងដែរ។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី២៩ មេសា​ ឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន ១ម៉ឺន ២ពាន់៦៤១នាក់ ក្នុងនោះបានព្យាបាលជាសះស្បើយចំនួន៤ពាន់៩៨៦នាក់ និងនៅសល់ ចំនួន៨ពាន់១១៩នាក់ កំពុងសម្រាកព្យាបាល។ ជាមួយគ្នានោះ ក្រសួងសុខាភិបាលបានបញ្ជាក់ថា រហូតមកដល់ពេលនេះ កម្ពុជាមានអ្នកស្លាប់ដោយសារជំងឺកូវីដ-១៩ចំនួន៩១នាក់ហើយ។