ប្រទេសវៀតណាមបានសម្រេចឈប់នាំចូលជ្រូករស់ពីប្រទេសថៃ ចាប់ពីថ្ងៃទី៣០ ខែមិថុនា ក្រោយពេលជ្រូកថៃ ចំនួន៩៨០ក្បាលមានឆ្លងជំងឺគ្រុនផ្តាសាយជ្រូកអាហ្វ្រិក។

ប៉ុន្តែសហគ្រាសណាចុះកិច្ចសន្យានាំចូល មុនថ្ងៃ៣០ ខែមិថុនា អាចបន្តប្រតិបត្តិការធម្មតា។ ជ្រូកឈឺជិត១ពាន់ក្បាលនោះត្រូវបានបំផ្លាញចោល តម្លៃប្រមាណជិត២៧ម៉ឺនដុល្លារអាមេរិក។

វៀតណាមបានអនុញ្ញាតឲ្យនាំចូលជ្រូករស់ ដំបូង កាលពីពាក់កណ្តាលខែមិថុនា ២០២០ ដើម្បីទប់ទល់នឹងតម្លៃជ្រូកឡើងថ្លៃដោយសារតែជំងឺនេះ។ វៀតណាមបាននាំពីថៃ ជាង៥០ម៉ឺន៣ពាន់ក្បាល កាលពីឆ្នាំមុន នេះបើតាមក្រសួងកសិកម្មនិងអភិវឌ្ឍន៍ជនបទ៕ ប្រភពពី VNexpress