វៀតណាមបន្តរកឃើញអ្នកឆ្លង Covid-19 ថ្មីៗចំនួន២ពាន់៧៦២ករណីបន្ថែមទៀតនៅព្រឹកថ្ងៃអង្គារនេះ
អត្ថបទដោយ៖
ឈឹម ទីណា
វៀតណាម៖ ក្រសួងសុខាភិបាលវៀតណាមនៅព្រឹកថ្ងៃអង្គារនេះ បានរាយការណ៍ពីការរកឃើញអ្នកឆ្លងជំងឺកូវីដ១៩ថ្មីៗចំនួន២ពាន់៧៦២ករណីបន្ថែមទៀតនៅ២១ទីតាំង ។
នៅក្នុងចំណោមករណីឆ្លងថ្មីៗទាំងអស់ខាងលើនេះ មាន១ពាន់៨៤៩ករណីនៅទីក្រុងហូជីមិញ ។ ជាមួយនឹងចំនួនករណីឆ្លងថ្មីៗនេះ វៀតណាមបានកត់ត្រាពីអ្នកជំងឺកូវីដ១៩ចំនួន១០ម៉ឺន៥ពាន់២៨៧ករណីនៅក្នុង៦២ខេត្ត-ក្រុង ចាប់តាំងពីជំងឺកូវីដ១៩រលកថ្មីវាយប្រហារប្រទេសនេះកាលពី៣ខែមុន និង ៥២៤នាក់ស្លាប់ដោយសារជំងឺកូវីដ១៩ ។
ប្រទេសវៀតណាមក៏បានចាក់វ៉ាក់សាំងបង្ការជំងឺកូវីដ១៩ បានជាង៤,៧៤លាននាក់ តែមនុស្សទើបតែ៤២ម៉ឺន៣ពាន់៧១នាក់ប៉ុណ្ណោះបានទទួលការចាក់វ៉ាក់សាំងពេញលេញ ឬពីរដូស ៕ ប្រភព៖ VNExpress
ឈឹម ទីណា
តាមរយៈការចូលរួមនៅតាមស្ថាប័នធំៗជាច្រើន រួមមានទូរទស្សន៍ គេហទំព័រ និងបណ្តាញសង្គមនានា បូករួមនឹងជំនាញបន្ថែមក្នុងការសរសេរ កាត់ត និងអាន នឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ។
