Black & White Ep25: ឧត្តមគតិការពារទ្រព្យសម្បតិ្ត និងធនធានធម្មជាតិ
ឧត្ដមគិតជាតិ ចំពោះការការពារផលប្រយោជន៍ជាតិ និងប្រជាជន? ឧត្តមគតិ គឺជាដំណើរការនៃការគិត និងប្រព្រឹត្ដិទៅក្នុងភាពល្អប្រសើរចំពោះជាតិនិងប្រជាជនខ្លួន។ ឧត្តមគតិ មាន «ភាពខ្ពង់ខ្ពស់» ជាលក្ខណៈ។ ឧត្តមគតិប្រៀបដូចជាទង់ដែលត្រូវបានគេចងនៅឯចុងនៃដងទង់ តែងមានភាពលេចធ្លោក្នុងកែវភ្នែករបស់មនុស្សទាំងពួង។
បុគ្គលណាក៏ដោយ ឲ្យតែមានឧត្តមគតិក្នុងខ្លួន បុគ្គលនោះតែងតែមានដំណើរជីវិតប្រកបដោយភាពខ្ពង់ខ្ពស់ក្នុងចិត្តរបស់មនុស្សផងគ្នា។ ការគិតការនិយាយ និងការសម្តែងឥរិយាបថ សុទ្ធតែប្រកដដោយភាពឧត្តុង្គឧត្តម។
បុគ្គលម្នាក់មានឧត្តមគតិចំពោះប្រទេសជាតិ បុគ្គលនោះតែងផ្តោតអារម្មណ៍ពីប្រយោជន៍ជាតិ និងសុខទុក្ខរបស់ប្រជាជនជាធំ។ ចំណែកឯការនិយាយរបស់បុគ្គលមានឧត្តមគតិចំពោះជាតិ តែងមានទំនោរទៅរករឿងនយោបាយ សេដ្ឋកិច្ច សង្គម និងបញ្ហាផ្សេងៗពាក់ព័ន្ធនឹងប្រទេសជាតិ។ ម្យ៉ាងវិញទៀត ឥរិយាបថរបស់បុគ្គលនោះក៏មានភាពថ្លៃថ្នូរ សីលធម៌និងសុជីវធម៌ផងដែរ។
កិច្ចពិភាក្សានេះ នឹងផ្តោតសំខាន់ទៅលើសំណួរមួយចំនួនដូចខាងក្រោម៖
១.ចំពោះលោកវាគ្មិនអ្វីទៅហៅថា ឧត្តមគតិជាតិ?
២.អ្វីទៅដែលលោកយល់ថា៖ បានរួមចំណែកក្នុងការប្រើប្រាស់ឧត្ដមគិតពិតប្រាដក?
៣.តើមានបុព្វហេតុអ្វីខ្លះដែលនាំឲ្យប្រជាពលរដ្ឋមានឧត្ដមគិតជាតិ ការពារដល់ផលប្រយោជន៍ជាតិ កិត្យានុភាពជាតិ និងទ្រព្យសម្បត្ដិ និងធនធានធម្មជាតិរបស់ខ្មែរ?
៤.នៅក្នុងបរិបទនយោបាយថ្មីៗនេះ យើងឃើញមានអ្នកដែលបានប្រសិទ្ធនាមថា៖ ខ្លួនជាអ្នកការពារធនធានធម្មជាតិ ជាផ្នែកមួយនៃឧត្តមគតិគាត់ចំពោះជាតិ។ តើភាពខុសគ្នា នៃអ្នកការការពារធនធានធម្មជាតិ ដែលគាំទ្រដោយច្បាប់ឬរាជរដ្ឋាភិបាល និងអ្នកដែលធ្វើដោយការមានអង្គការចាត់តាំងនៅពីក្រោយ ឬក្រៅប្រទេស?
៥.ការបម្រើនផលប្រយោជន៍ដល់ជនបរទេស និងនិន្នាការធ្វើឲ្យអាប់ឱនដល់ប្រទេសជាតិ តើជាការប្រើប្រាស់ឧត្ដមគិតត្រឹមត្រូវដែរឬទេ?