ថៃស្លាប់មនុស្សលើស ២ម៉ឺននាក់ហើយ
ចំនួនមនុស្សស្លាប់ព្រោះជំងឺកូវីដ១៩ នៅក្នុងប្រទេសថៃបានកើនដល់លើស២ម៉ឺននាក់ហើយ គិតត្រឹមព្រឹកថ្ងៃទី១៤ វិច្ឆិកា ២០២១នេះ។
ក្រសួងសុខាភិបាលបានប្រកាស នាព្រឹកមិញនេះថា មានមនុស្សស្លាប់ព្រោះជំងឺកូវីដ ចំនួន៤៧នាក់ទៀត នៅរយៈពេល២៤ម៉ោងចុងក្រោយមកនេះ ធ្វើឲ្យចំនួនមនុស្សស្លាប់សរុបកើនដល់ ២០០៣១នាក់ហើយ។
ថៃមានអ្នកជំងឺកូវីដ១៩ លើកដំបូង កាលពីដើមឆ្នាំ២០២០ ប៉ុន្តែ រលកទី៣ ដែលបានកើតឡើង កាលពីខែមេសា ឆ្នាំ២០២១ គឺធ្ងន់ធ្ងរខ្លាំងជាងគេ ដែលអូសបន្លាយរហូតមកដល់ពេលនេះ។ ជាក់ស្តែង ក្នុងចំណោមជាង២ម៉ឺននាក់នេះ ១៩៩៤២នាក់ស្លាប់អំឡុងរលកទី៣នេះ។
ក្នុងពេល២៤ម៉ោងចុងក្រោយនេះ ថៃក៏បានប្រកាសពីការវិជ្ជមានកូវីដ១៩ ថ្មីៗ ចំនួនជាង៧ពាន់នាក់ទៀតដែរ នាំឲ្យកូវីដសរុបកើនដល់ ២,០១៨, ០៣១នាក់ហើយ ជាសះស្បើយវិញ ១,៩០២,៨៤៦នាក់៕ ប្រភពពីបាងកកប៉ុស្តិ៍