លោកឧត្ដមសេនីយ៍ទោ សាស្ត្រាចារ្យរង សេន សត្យានាយកវិទ្យាស្ថានស្រាវជ្រាវវិទ្យាសាស្ត្រនគរបាល នៃបណ្ឌិត្យសភានគរបាលកម្ពុជា បានទទួលស្វាគមន៍ក្រុមការងារត្រួតពិនិត្យគុណភាពអប់រំផ្ទៃក្នុង ដឹកនាំដោយលោកឧត្តមសេនីយ៍ត្រី ប៊ុន ភក្ដី ប្រធានដេប៉ាតឺម៉ង់និងក្រុមការងារចុះពិនិត្យតាមដាននិងវាយតម្លៃការអនុវត្តគោលការណ៍ប្រឡងប្រណាំងលើលក្ខណវិនិច្ឆ័យចំនួន២ គឺ៖
១- ការងារគ្រប់គ្រង
២- ការថែរក្សាបរិស្ថាន

ដោយមានការចូលរួមពីសំណាក់លោក លោកស្រីនាយករង និងលោកនាយការិយាល័យចំណុះ វិទ្យាស្ថានជាច្រើនរូប។ ជាកិច្ចចាប់ផ្ដើម លោកឧត្តមសេនីយ៍ទោ សាស្ត្រាចារ្យរងនាយកវិទ្យាស្ថាន បានសម្ដែងកិច្ចស្វាគមន៍យ៉ាងកក់ក្ដៅដល់ក្រុមការងារចុះពិនិត្យតាមដាននិងវាយតម្លៃ ព្រមទាំងបានរាយការណ៍ដល់អង្គពិធីអំពីការងារដែលបានអនុវត្តកន្លងមក និងបានណែនាំដល់នាយករងនិងនាយការិយាល័យ ត្រូវចូលរួមបកស្រាយនូវសូចនាករនីមួយៗដែលសម្ភាសដោយក្រុមការងារឱ្យបានក្បោះក្បាយ។

កិច្ចបន្ទាប់ លោកឧត្តមសេនីយ៍ត្រី ប្រធានដេប៉ាតឺម៉ង់ បានសម្ដែងកិច្ចស្វាគមន៍ជូនចំពោះលោកឧត្តមសេនីយ៍ទោ សាស្ត្រាចារ្យរង និងបានរៀបរាប់អំពីសារបាន ព្រមទាំងគោលបំណងនៃការចុះពិនិត្យតាមដាននិងវាយតម្លៃនេះ។ ការពិនិត្យតាមដាននិងវាយតម្លៃនេះ គឺជាការវាយតម្លៃបែបរោគវិនិច្ឆ័យដើម្បីរកឱ្យឃើញនូវចំណុចខ្លាំង ចំណុចដែលត្រូវកែលម្អ និងផ្ដល់អនុសាសន៍ក្នុងទិសដៅលើកកម្ពស់ប្រសិទ្ធភាពការងារដឹកនាំគ្រប់គ្រងនិងលើកកម្ពស់សោភណភាពបរិស្ថានឱ្យកាន់តែល្អប្រសើរ។

ក្នុងពិធីនោះដែរ ក្រុមការងារបានអនុវត្តវិធីសាស្រ្ដសម្ភាសន៍ ពិនិត្យឯកសារ អង្កេត និងចុះពិនិត្យដោយផ្ទាល់ដល់ការិយាល័យនិងតំបន់ថែរក្សាបរិស្ថានស្ថិតនៅក្រោមការទទួលខុសត្រូវដែលបានបែងចែកដោយបណ្ឌិត្យសភានគរបាលកម្ពុជាផងដែរ។ ដោយ-រ៉ាវុធ