Positive Cambodia Ep37: ប្រទេសកម្ពុជា បានទទួលសិទ្ធពីប្រទេសចិនដើម្បីផលិតវ៉ាក់សាំងបង្ការជំងឺកូវីដ១៩
នាយករដ្ឋមន្ត្រីកម្ពុជា សម្តេចតេជោ ហ៊ុន សែន បានប្រកាសថា កម្ពុជាទទូលបានសិទ្ធិពីប្រទេសចិន ដើម្បីផលិតវ៉ា់ក់សាំងបង្ការកូវីដ-១៩ ជាផលិតផលចុងក្រោយនៅកម្ពុជា។ ក្រោមកិច្ចព្រមព្រៀងរវាងក្រុមហ៊ុននៅកម្ពុជា និងក្រុមហ៊ុនចិន និងមានការគាំទ្ររវាងរដ្ឋាភិបាល នៃប្រទេសទាំងពីរ កម្ពុជា-ចិន ទីបំផុតកម្ពុជាអាចផលិតវ៉ាក់សាំង ស៊ីណូវ៉ាក់នៅក្នុងទឹកដីប្រទេសកម្ពុជាហើយ ។
សម្តេច តេជោ បានបញ្ជាក់ថា យើងបានទទួលសិទ្ធិ ដោយចុះហត្ថលេខារវាងក្រុមហ៊ុន និងក្រុមហ៊ុន និងមានការគាំទ្រពីរដ្ឋាភិបាលប្រទេសនៃប្រទេសទាំងពីរ ។ យើងបានទទួលសិទ្ធិក្នុងការផលិតវ៉ាក់សាំងនៅក្នុងប្រទេសយើងតែម្តង ដែលអាចផ្តល់លទ្ធភាពឱ្យយើងអាចទិញយកវ៉ាក់សាំង ដែលផលិតជាផលិតផលសម្រេចជាវ៉ាក់សាំងយកមកប្រើប្រាស់ក្នុងស្រុករបស់យើង និងអាចនាំចេញដោយក្រុមហ៊ុន ទៅក្រៅប្រទេស» ។
ប្រមុខដឹកនាំប្រទេសបានបន្តថា «ព្រោះយើងអត់ដឹងថា ពេលណាត្រូវចប់ទេ បានជាស្វះស្វែង មិនត្រឹមតែដើររកទិញទេ យើងស្នើសុំឱ្យមានការចែករំលែកពីមិត្តចិន ចំពោះការផលិតវ៉ាក់សាំងទៅជាផលិតផលសម្រេច»។យ៉ាងណាមិញសម្តេចបន្តអំពាវនាវឱ្យពលរដ្ឋបន្តប្រុងប្រយ័ត្ននិងការពារខ្លួនពីជំងឺកូវីដ-១៩ បើទោះបីជាអត្រានៃការឆ្លងកូវីដ-១៩ នៅកម្ពុជារកឃើញមានការធ្លាក់ចុះច្រើនជាបន្តបន្ទាប់។ ជាក់ស្តែងកាលពីថ្ងៃទី ១ ខែធ្នូ កម្ពុជា ឃើញករណីថ្មី២៣នាក់ទៀតតាម PCR និងស្លាប់តែ ៥ នាក់តែប៉ុណ្ណោះ ។ ក៏ប៉ុន្តែនៅវៀតណាម និងថៃវិញ អត្រានៃការឆ្លងនិងស្លាប់ហាក់មានចំនួនកើនឡើងវិញ៕