កិច្ចប្រជុំគណៈកម្មការជាតិលើកទី២ សម្រាប់រៀបចំកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធនៅឆ្នាំ២០២២
ភ្នំពេញ៖ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងជាប្រធានគណៈកម្មការជាតិ សម្រាប់រៀបចំកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធនៅឆ្នាំ២០២២ បានដឹកនាំកិច្ចប្រជុំគណៈកម្មការជាតិលើកទី២សម្រាប់រៀបចំកិច្ច ប្រជុំកំពូលអាស៊ាននិងកិច្ចប្រជុំពាក់ព័ន្ធនៅឆ្នាំ២០២២តាមរយៈប្រព័ន្ធវីដេអូដើម្បីពិនិត្យអំពីវឌ្ឍនភាពការងារនៃការត្រៀមធ្វើជាប្រធានអាស៊ាន ឆ្នាំ២០២២ និងការងារត្រៀមសម្រាប់រៀបចំកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ ។
ក្នុងកិច្ចប្រជុំកាលពីព្រឹកថ្ងៃទី២៨ ខែធ្នូ ឆ្នាំ២០២១ បានពិភាក្សា និងផ្លាស់ប្តូរយោបល់គ្នាលើបញ្ហាមួយចំនួនរួមមាន៖ ខ្លឹមសារ ភ័ស្តុភារ ពិធីការ សន្តិសុខ ពត៌មាន ហិរញ្ញវត្ថុ ព្រឹត្តិការណ៍អម និងការគ្រប់គ្រងជំងឺកូវីដ១៩ជាដើម។
ឯកឧត្តម ឧបនាយករដ្ឋមន្ត្រី ប្រាក់ សុខុន បានបញ្ជាក់ថា ការងារទាំងអស់នេះតម្រូវឱ្យមានការទទួលខុសត្រូវខ្ពស់ក្នុងនាមជាប្រធាន អាស៊ានឆ្នាំ២០២២ និងដើម្បីកិត្តិយសជាតិទាំងមូល៕ ដោយ: ពលជ័យ
