ទស្សនៈសកល៖ ប្រព័ន្ធអេកូឡូស៊ីនៅតំបន់ដីសើមគាំទ្រដល់ជីវិតសត្វ និងរុក្ខជាតិ ហើយក៏មានសារៈសំខាន់សម្រាប់ការរស់រានមានជីវិតរបស់មនុស្សជាតិ
បរទេស៖ ទស្សនៈសកលដូចគ្នានឹងព្រៃឈើ ត្រូវបានគេហៅថា “សួតនៃផែនដី” ដីសើម គឺជា “តម្រងនោម” ដែលគ្រប់គ្រងទឹក និងច្រោះកាកសំណល់ចេញពីទស្សនីយ៍ភាពលើផែនដី។ តំបន់ដីសើមរួមមាន ព្រៃកោងកាង វាលស្មៅ និងវាលភក់ ទន្លេ និងបឹងបួរ ដីសណ្ត វាលទំនាបលិចទឹក និងព្រៃលិចទឹក វាលស្រែ និងសូម្បីតែផ្កាថ្ម។
ដីសើមមាននៅគ្រប់ប្រទេស និងគ្រប់តំបន់ ចាប់ពីតំបន់ប៉ូលដល់តំបន់ត្រូពិច និងពីកម្ពស់ខ្ពស់ដល់តំបន់ស្ងួត។ តួយ៉ាង នៅក្នុងប្រទេសឥណ្ឌា ប្រហែល 4.63% នៃតំបន់ភូមិសាស្រ្ត គឺជាដីសើម។
ហេតុអ្វីបានជាដីសើមមានសារៈសំខាន់? តើវាមានអត្ថប្រយោជន៍អ្វីខ្លះ? ប្រព័ន្ធអេកូឡូស៊ីនៅតំបន់ដីសើមគាំទ្រដល់ជីវិតសត្វ និងរុក្ខជាតិជាច្រើន ហើយពួកវាមានសារៈសំខាន់យ៉ាងចាំបាច់សម្រាប់ការរស់រានមានជីវិតរបស់មនុស្សផងដែរ ចាប់ពីការកាត់បន្ថយការប្រែប្រួលអាកាសធាតុ រហូតដល់ការការពារការតាំងទីលំនៅរបស់មនុស្សពីទឹកជំនន់។ បើយើងការពារដីសើមបាន យើងក៏ការពារភពផែនដីរបស់យើង និងខ្លួនយើងបានដែរ។ ប៉ុន្តែគួរឱ្យស្តាយនោះ គឺ ៥០% នៃដីសើមរបស់ពិភពលោកត្រូវបានបំផ្លាញ។ បើគ្មានទីជម្រកដីសើមសមរម្យទេ សត្វជាច្រើនអាចនឹងគ្មានផ្ទះសម្បែង។ ចូរយើងស្វែងយល់ពីអត្ថប្រយោជន៍នៃដីសើមឱ្យបានលំអិត ដូចខាងក្រោមនេះ
- ដីសើមបន្សុទ្ធទឹករបស់យើង។
ដីសើមគឺជាតម្រងដ៏អស្ចារ្យ! ពួកវាចាប់យកដីល្បាប់ និងយកសារធាតុពុល ដែលជួយបន្សុទ្ធទឹក។ នេះពិតជាឈ្នះលើប្រព័ន្ធចម្រោះដែលផលិតដោយមនុស្សមានតម្លៃថ្លៃ។ - តំបន់ដីសើមរក្សាទុកទឹករបស់យើង ដើម្បីធានាការផ្គត់ផ្គង់ក្នុងអំឡុងពេលគ្រោះរាំងស្ងួត
ដីសើមធ្វើការដូចអេប៉ុងយក្ស។ ពួកវាស្តុកទុកទឹក ហើយបន្ទាប់មកបញ្ចេញវាបន្តិចម្តងៗ ហើយវាជួយដោះស្រាយរដូវប្រាំង ដោយមានភ្លៀងធ្លាក់តិចតួច។ - ដីសើមអាចការពារទឹកជំនន់
នៅពេលដែលទឹកទន្លេហូរចូលទន្លេ ដីសើមអាចផ្ទុកទឹកលើស ហើយបន្ថយល្បឿន ដូច្នេះវាចែកចាយកាន់តែស្មើគ្នាលើតំបន់លិចទឹក។ ឫសដើមឈើ និងបន្លែផ្សេងៗទៀតក៏ជួយពន្យឺនល្បឿននៃទឹកជំនន់ផងដែរ។ - តំបន់ដីសើមបញ្ចូលទឹកក្រោមដីឡើងវិញ
កាលពីមុន អ្នករៀបចំផែនការទីក្រុងបានបំពេញតំបន់ដីសើម ឬធ្វើឱ្យខូចខាត ដោយបន្ថែមបំពង់ដែលនឹងនាំទឹកទៅកាន់មហាសមុទ្រឱ្យបានលឿនតាមដែលអាចធ្វើទៅបាន។ ប៉ុន្តែឥឡូវនេះ យើងដឹងហើយថា ដីសើមអនុញ្ញាតឱ្យទឹកជ្រាបចូលទៅក្នុងដី និងដើម្បីបំពេញការផ្គត់ផ្គង់ទឹកតាមធម្មជាតិ។ - ដីសើមជួយគ្រប់គ្រងសំណឹក
ដីល្បាប់ក៏ត្រូវបានជាប់ដោយដីសើមផងដែរ។ នៅក្នុងប្រទេសពាក់កណ្តាលស្ងួតដូចជាអាហ្រ្វិកខាងត្បូង តួនាទីរបស់ដីសើមក្នុងការចាប់ដីល្បាប់ មុនពេលដែលទឹកផ្ទុកដោយដីល្បាប់ចូលច្រាំងទន្លេ ហើយគ្រាន់តែលាងចេញ គឺពិតជាមានប្រយោជន៍។ - តំបន់ដីសើមផ្តល់ជម្រកដល់ត្រីអនីតិជន
កូនត្រី និងកូនត្រី (អនីតិជន) ប្រើទឹករាក់ នៅតំបន់ដីសើម ជាកន្លែងបណ្តុះកូន។ - តំបន់ដីសើមផ្តល់ផ្ទះសម្រាប់សត្វ និងរុក្ខជាតិ
ជីវចម្រុះមានកម្រិតខ្ពស់នៅជុំវិញជម្រកដីសើម។ តំបន់ទាំងនេះផ្តល់អាហារ និងទីជម្រកសម្រាប់សត្វជាច្រើន ជាពិសេសប្រភេទសត្វស្លាប ក្នុងនោះមានដូចជា សត្វក្តាន់ សត្វកុកករវែង (flamingos) និងសត្វ amphibians ព្រមទាំងកង្កែបជាដើម។ - ដីសើមផ្តល់អាហារដល់សត្វពាហណៈ
ដីសើមផ្តល់តំបន់ល្អសម្រាប់ស្មៅចម្រុះ រួមជាមួយនឹងការផ្គត់ផ្គង់ទឹកអាចផ្តល់អត្ថប្រយោជន៍ដល់ការចិញ្ចឹមសត្វ។ - ដីសើមការពារជីវចម្រុះ
ប្រភេទសត្វជាច្រើនប្រភេទអាស្រ័យទៅលើដីសើម និងពឹងផ្អែកលើគ្នាទៅវិញទៅមក។ សត្វល្អិតដែលទាក់ទាញដល់រុក្ខជាតិ ផ្តល់អាហារដល់សត្វដទៃទៀតដូចជា ត្រី កង្កែប និងសត្វស្លាប។ ជីវចម្រុះនៃតំបន់ដីសើមបានបង្កើតនូវប្រភេទសត្វដែលមានឯកទេសមិនគួរឱ្យជឿដែលត្រូវបានរកឃើញតែនៅក្នុងជម្រកទាំងនេះប៉ុណ្ណោះ។ - តំបន់ដីសើមផ្តល់ទីតាំងសម្រាប់ការកំសាន្ត តំបន់ដីសើមផ្តល់ឱ្យមនុស្សនូវកន្លែងមួយដើម្បីទស្សនា ជាកន្លែងដែលពួកគេអាចរីករាយនឹងការដើរកំសាន្តបែបធម្មជាតិ ពេជនិច សត្វស្លាប នេសាទ ឬ ជិះទូក ។ នៅពេលដែលមនុស្សកាន់តែច្រើនសម្រុកទៅទីក្រុង កន្លែងកម្សាន្តតាមបែបធម្មជាតិកាន់តែមានតម្លៃ៕ ប្រភព៖ Down To Earth ប្រែសម្រួលដោយ៖ លោក ឈឹម ទីណា
