លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី និងជាអនុប្រធានគណបក្សប្រជាជនកម្ពុជា បានអញ្ជើញជាអធិបតីក្នុងពិធីសំណេះសំណាលជាមួយសមាជិក សមាជិកា គណបក្សប្រជាជនកម្ពុជា ចំនូន ៨៥០នាក់ នៅសង្កាត់ក្រុងខេត្តស្វាយរៀង នារសៀលថ្ងៃព្រហស្បតិ៍ ១២កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី១២ខែឧសភា ឆ្នាំ២០២២ ។

លោកជំទាវកិត្តិសង្គហបណ្ឌិត ម៉ែន សំអន ពាំនាំនូវការផ្តាំផ្ញើរ សាកសួរសុខទុក្ខ ពីសម្តេចតេជោ ប្រធានគណបក្សប្រជាជនកម្ពុជា និងជានាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងសម្តេចអគ្គពញាមហាចក្រី ហេង សំរិន ប្រធានរដ្ឋសភា និង ជាប្រធានកិត្តិយសគណបក្សប្រជាជនកម្ពុជា សម្តេចទាំងបីតែងតែរួមសុខ រួមទុក្ខជាមួយបងប្អូន ប្រជាពលរដ្ឋ ទូទាំងប្រទេស ក៏ដូចជាបងប្អូនទាំងអស់គ្នាដែលបានចូលរួមក្នុងកម្មវិធីថ្ងៃនេះផងដែរ ។ លោកជំទាវបានបន្តទៀតថា ការចូលរួមសកម្មភាពរបស់សមាជិក សមាជិកា គណបក្សប្រជាជនកម្ពុជា នៅក្នុងថ្ងៃនេះ គឺបានបង្ហាញអំពីការគាំទ្រដល់ ក្រោមការដឹកនាំប្រកបដោយកិត្តិបណ្ឌិត របស់ សម្តេចអគ្គមហាសនេបតីតេជោ ហ៊ុន សែន ប្រធានគណបក្សប្រជាជនកម្ពុជា ។

ក្នុងពិធីសំណេះសំណាលនោះ លោកជំទាវកិត្តិសង្គហបណ្ឌិត ក៏បានផ្តល់ អានុសាសន៍ចំនួន ៤ចំណុច ដល់អង្គពីធី រួមមាន៖

ទី១.សុំពិនិត្យមើល និងទុកដាក់អត្តសញ្ញាណបណ្ណសម្រាប់បោះឆ្នោត ក្នុងករណីរកមិនឃើញ ឬមានការបាត់បង់ ត្រូវទៅបញ្ជាក់អត្តសញ្ញាណសម្រាប់បោះឆ្នោតនៅតាមសង្កាត់រៀងៗខ្លួន ។

ទី២. ផ្សព្វផ្សាយបន្តឲ្យបានទូលំទូលាយ នូវកម្មវិធីនយោបាយ និងសមិទ្ធផលរបស់គណបក្ស ដែលសម្រេច បានក្នុងរយៈពេល៤៣ឆ្នាំកន្លងមកនេះ  ជូនដល់ប្រជាពលរដ្ឋនៅក្នុងមូលដ្ឋាន និងត្រូវបោះឆ្នោតជូន គណបក្សប្រជាជន កម្ពុជាស្របតាមទិសស្លោក “ អរគុណសន្តិភាព សមាជិកបក្សម្នាក់ សម្លេងគាំទ្រគណបក្សមួយសន្លឹក”។

ទី៣. ត្រូវបន្តខិតខំរួមគ្នាអនុវត្តវិធានការនានារបស់រាជរដ្ឋាភិបាលក្នុងការប្រយុទ្ធនឹងជំងឺកូវីដ-១៩ ដោយបន្តជំរុញការចាក់វ៉ាក់សាំងការពារជំងឺកូវីដ-១៩ ទាំងដូសមូលដ្ឋាននិងដូសជំរុញជម្រុញ ដែលជាវិធានការគន្លឹះ និងការអនុវត្តឱ្យបានខ្ជាប់ខ្ជួននូវវិធានការ “៣កុំ ៣ការពារ” ឱ្យបានជាប់ជាប្រចាំ ព្រមទាំងប្រកាន់យករបៀបរស់នៅ និងបំពេញការងារជាមួយជំងឺកូវីដ-១៩ តាមគន្លងប្រក្រតីភាពថ្មី។

ទី៤. រួមគ្នាថែរក្សា ការពារនូវសុខ សន្តិភាព ជាពិសេស ការពារឱ្យបាននូវមរតកតេជោ ដូចសម្តេចតេជោមានប្រសាសន៍ដាច់ខាតត្រូវតែការពារ ឱ្យបានទោះក្នុងតម្លៃណាក៏ដោយ   មានសន្តិភាពហើយត្រូវប្រឹងរក្សា កុំរង់ចាំពេលបាត់សន្តិភាព ទើបប្រឹងស្រែករក ។

ជាចុងក្រោយ សមាជិក សមាជិកា ចំនួន ៨៥០នាក់ ក្នុងម្នាក់ៗទទួលបានថវិកា ២ម៉ឺនរៀល សារ៉ុង មួយ អាវ មួយ មួក ១  និងជែល ១ដប ៕