ព្រឹត្តិការណ៍ប្រណាំងរថយន្តOff Road ឆ្នាំ២០២២ រៀបចំជាលក្ខណៈអន្តរជាតិ ដំណើរការប្រណាំងអស់រយៈពេល៣ថ្ងៃ ២យប់ លើកំពូលភ្នំ គិរីរម្យ ស្ថិតនៅក្នុងស្រុក ភ្នំស្រួច ខេត្ត កំពង់ស្ពឺ បានបញ្ចប់ជោគជ័យជាមួយនិងក្តីសប្បាយរីករាយ ពិសេស ទទួលបានការគាំទ្រកាន់តែខ្លាំង និងការកោតសសើរពីកីឡាករជាតិនិងអន្តរជាតិថា ការរៀបចំមានលក្ខណៈស្តង់ដាអន្តរជាតិ ដូចការប្រណាំងនៅបរទេសដែរ។

លោក ផែ សុវណ្ណារិទ្ធ កីឡាករកម្ពុជាប្រណាំងវិញ្ញាសាផ្លូវកម្រិតB ទទួលបានជ័យលាភីចំណាត់លេខ១ បានបង្ហាញនូវក្តីសប្បាយរីករាយនិងមោទកៈភាព ដោយ លោកបានលើកឡើងថា ទម្រាំលោកប្រណាំងដណ្តើមបានចំណាត់ថ្នាក់លេខ១នេះ ពិតជាលំបាកខ្លាំងណាស់ ព្រោះត្រូវប្រកួតជម្រុះជាបន្តបន្ទាប់ជាមួយកីឡាករខ្មែរនិងថៃ។

លោក ប្តេជ្ញាថា ឆ្នាំក្រោយ នឹងដោយឡែក លោក ព្រុំ រស្មី ប្រធានក្រុមខេមបូ4X4 មានប្រសាសន៍ឲ្យដឹងដែរថា ព្រឹត្តិការណ៍ប្រណាំងរថយន្ត Off Road ឆ្នាំ២០២២ ដែលលោក រៀបចំមានរយៈពេល៣ថ្ងៃ២យប់នៅលើកំពូលភ្នំគិរីរម្យ បន្ទាប់ពីការអាក់ខានអស់រយៈពេល២ឆ្នាំ ដោយជំងឺកូវីដ១៩នោះ លោក មើលឃើញថា ការចុះឈ្មោះចូលរួមប្រកួតរបស់កីឡាករទាំងជាតិនិងអន្តរជាតិ គឺមានការកើនឡើងខ្លាំង ហើយ កម្រិតបច្ចេកទេសវិញ កីឡាករខ្មែរ គឺការរៀបចំឡានចូលប្រណាំងមានលក្ខណៈស្តង់ដាត្រូវតាមបទដ្ឋានអន្តរជាតិ។ ហើយអ្វីកាន់តែអស្ចារ្យទៀតនោះ កីឡាករមានកម្រិតបច្ចេកទេសក្នុងការប្រណាំងទាំង៣វិញ្ញាសាឈរនៅក្នុងចំណាត់ថ្នាក់ល្អជាមួយកីឡាករបរទេស ដែលនេះគឺជាជោគជ័យមួយទទួលបានលើសការរំពឹងទុក។

សូមបញ្ជាក់ថា ព្រឹត្តិការណ៍ប្រណាំងរថយន្ត Off Road ឆ្នាំ២០២២ មាន៣ប្រភេទ គឺ ប្រណាំងម៉ូតូឆ្នៃ ប្រណាំងប្រភេទរថយន្តUTV និងប្រណាំងរថយន្ត Off Road ដោយក្នុងនោះរថយន្ត Off Road ចែកចេញជា៣វិញ្ញាសាផ្លូវ គឺផ្លូវកម្រិតC ផ្លូវកម្រិតB និងផ្លូវកម្រិតA ។
គួររំលឹកថា ព្រឹត្តិការណ៍ប្រណាំងរថយន្ត Off Road បានរៀបចំដោយគោរពលើបាវចនាចំនួន៤ គឺ បំផុសវិស័យទេសចរណ៍ ផ្សព្វផ្សាយពីបរិស្ថាននិងអនាម័យ ជម្រុញបំផុសអភិវឌ្ឍវិស័យកីឡារថយន្ត Off Roadនៅកម្ពុជា និង ជួយលើជំនួយមនុស្សធម៍ ដោយផ្តោតលើការជួយជនខ្វះខាត់នៅតំបន់ដាច់ស្រាយ៕ អត្ថបទ៖ ជាវ ចន្ធូ