ភ្នំពេញ ៖របាយការណ៍របស់អគ្គស្នងការនគរបាលជាតិ បានឱ្យ ដឹងនៅព្រឹកថ្ងៃសុក្រ ទី២៩ ខែកក្កដា ឆ្នាំ២០២២នេះ ថា មានមនុស្សចំនួន ប្រាំមួយនាក់បានស្លាប់ (ស្រី ៣នាក់) និងរបួសធ្ងន់ ១១នាក់ (ស្រី ១នាក់) របួសស្រាល ៤នាក់ (ស្រី ១នាក់) ក្នុងករណី គ្រោះថ្នាក់ចរាចរណ៍ផ្លូវគោក ទូទាំងប្រទេស កាលថ្ងៃទី២៨ ខែកក្កដា ម្សិលមិញ។

របាយការណ៍ដដែល បានឱ្យដឹងទៀតថា យោងតាមទិន្នន័យគ្រោះថ្នាក់ ចរាចរណ៍ផ្លូវគោក ទូទាំងប្រទេស ចេញដោយនាយកដ្ឋាននគរបាល ចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ នៅថ្ងៃទី២៨ ខែកក្កដា បានបញ្ជាក់ថា គ្រោះថ្នាក់ដែលបង្កឱ្យមាន មនុស្សស្លាប់ និងរបួសសរុបចំនួន ២១នាក់ គឺកើតឡើងដោយសារ ការប៉ះទង្គិចគ្នាចំនួន ១៤លើក៕
ដោយ ៖ ឆៃហួត និងប៊ុនធី