បាងកក៖ នៅថ្ងៃចន្ទទី២២ ខែសីហា ឆ្នាំ២០២២នេះ ថៃបាន រាយការណ៍ ពីការរកឃើញករណីឆ្លងជំងឺកូីដ១៩( COVID-19) ថ្មីៗចំនួន ១,៥៣១ករណីបន្ថែមទៀត ក្នុងរយៈពេល ២៤ម៉ោង ចុងក្រោយនេះ។

ក្រសួងសុខាភិបាលបន្តថា ក្រៅពីការរកឃើញករណីឆ្លងថ្មីៗខាងលើ អ្នកជំងឺចំនួន ២៨នាក់បន្ថែមទៀត ក៏ត្រូវបានរាយការណ៍ថា ស្លាប់ ផងដែរ ក្នុងរយៈពេល ២៤ម៉ោងចុងក្រោយដូចគ្នា ខណៈអ្នកជំងឺចំនួន ២,២៩៨នាក់ផ្សេងទៀត ត្រូវបានអនុញ្ញាតឱ្យចាកចេញពីមន្ទីរពេទ្យ ក្រោយជាសះស្បើយ។

គិតត្រឹមព្រឹកនេះ ប្រទេសថៃបានកត់ត្រានូវករណីឆ្លងជំងឺ COVID-19 សរុបនៅទូទាំងប្រទេសចំនួនជាង ៤.៦៣លានករណី។ ក្នុងនោះមាន អ្នកស្លាប់ ៣២,០៥៥នាក់ និងអ្នកជាសះស្បើយឡើងវិញគឺជាង ៤.៥៨លាននាក់៕
ប្រភពពីបាងកកប៉ុស្តិ៍, ប្រែសម្រួល៖ សារ៉ាត