ភ្នំពេញ៖ សត្វឆ្មាព្រៃ (Jungle cat) Felis chaus ជាសត្វកម្រមួយប្រភេទ ហើយសត្វប្រភេទនេះក៏កំពុងមានវត្តមាននៅប្រទេសកម្ពុជាផងដែរ។

បើតាមទំព័រហ្វេសប៊ុករបស់ក្រសួងបរិស្ថានបានឱ្យដឹងថា៖ឆ្មាព្រៃជាប្រភេទមំសាសត្វមួយក្នុងចំណោមត្រកូលខ្លាទាំង ៧ប្រភេទ ដែលកំពុងមានវត្តមាននៅក្នុងប្រទេសកម្ពុជា។ ឆ្មាព្រៃមានវត្តមានភាគច្រើននៅក្នុងតំបន់ការពារធម្មជាតិនៃតំបន់ការពារទេសភាពខ្ពង់រាបភាគខាងកើត និងតំបន់ការពារទេសភាពខ្ពង់រាបភាគខាងជើងប្រទេសកម្ពុជា។

សត្វឆ្មាព្រៃ តាមរយៈលទ្ធផលនៃការសិក្សាស្រាវជ្រាវកន្លងមកបង្ហាញថា នៅក្នុងប្រទេសកម្ពុជា សត្វឆ្មាព្រៃ វាចូលចិត្តរស់នៅក្នុងព្រៃល្បោះ។ សត្វឆ្មាព្រៃ ភាគច្រើនស៊ីសត្វជាចំណីដែលដូចជា ពពួកថនិកសត្វមាឌតូច (ដូចជាទន្សាយ កណ្តុរ កំប្រុក ជាដើម) និងសត្វស្លាបផងដែរ៕ ដោយ៖ ម៉ាដេប៉ូ