សិង្ហបុរី៖ ទីភ្នាក់ងារទឹករបស់សិង្ហបុរី (PUB) បានចេញសេចក្តីជូនដំណឹងអំពីទឹកជំនន់ នៅព្រឹកថ្ងៃអាទិត្យទី១១ ខែធ្នូ ខណៈដែលមានភ្លៀងធ្លាក់បានវាយប្រហារផ្នែកជាច្រើននៃប្រទេសនេះ។ បន្ទាប់ពីមានភ្លៀងធ្លាក់ខ្លាំង ដើមឈើធំមួយបានដួលរលំនៅជិតចំណតរថយន្ត នៅប្លុក Tampines ផ្លូវ ៨២ ។

នៅម៉ោងប្រហែល ៨ ព្រឹក PUB បាននិយាយ នៅលើទំព័រ Facebook របស់ខ្លួនថា ភ្លៀងធ្លាក់ខ្លាំង “ត្រូវបានព្យាករណ៍ទុកលើតំបន់ជាច្រើននៃប្រទេសសិង្ហបុរី ចាប់ពីម៉ោង ៨៖៤០ ព្រឹកដល់ម៉ោង ៩៖៤០ ព្រឹក”។

ក្រោយមក វាបានធ្វើបច្ចុប្បន្នភាពព័ត៌មាន ជាមួយនឹងការជូនដំណឹងអំពីហានិភ័យទឹកជំនន់ភ្លាមៗនៅក្នុងតំបន់ជាច្រើន រួមទាំងផ្លូវ Neo Pee Teck Lane នៅ Buona Vista ផ្លូវ Pasir Panjang ផ្លូវ Tanjong Pagar ផ្លូវ Aljunied និង Upper Paya Lebar Road ។

ស្ថាប័នដដែលក៏បានណែនាំសាធារណជន ឱ្យជៀសវាងតំបន់ទាំងនេះរយៈពេលមួយម៉ោង បន្ទាប់ពីការប្រកាសអាសន្នព្រោះទឹកក្នុងប្រឡាយបានឈានដល់ ៩០ភាគរយ។
នៅម៉ោងប្រហែល ៩៖២០ ព្រឹក ទីភ្នាក់ងារនេះបាននិយាយថា ភ្លៀងធ្លាក់ខ្លាំងត្រូវបានគេបារម្ភថា មាននៅលើផ្នែកជាច្រើននៃប្រទេសសិង្ហបុរីចាប់ពីម៉ោង ៩៖១៥ ព្រឹកដល់ម៉ោង ១០៖៤៥ព្រឹក ។

មួយម៉ោងក្រោយមក គេបាននិយាយថា ទឹកជំនន់ភ្លាមៗបានកើតឡើងនៅផ្លូវ Kallang-Paya Lebar Expressway (ឆ្ពោះទៅកាន់ East Coast Park) ក្បែរ Buangkok East Drive។ ការធ្វើបច្ចុប្បន្នភាពបន្តមានភ្លាមៗ បន្ទាប់ពីបាននិយាយថា ទឹកជំនន់បានស្រកចុះ៕ ប្រភពពី CNA ,ដោយ៖ សារ៉ាត