ភ្នំពេញ៖ បវរកញ្ញាចក្រវាល (Miss Universe) នៃប្រទេសអង់ហ្គោឡា ស្វេលីយ៉ា ដាស៊ីលវ៉ា អាន់តូនីញ៉ូ (Swelia Da silva Antonio) បានកោតស្ញប់ស្ញែងយ៉ាងពិសេស ចំពោះភាពស្រស់ស្អាត និងទាក់ទាញរបស់ឆ្នេរសមុទ្រកម្ពុជា។ កញ្ញាបានសន្យាពាំនាំព័ត៌មានអំពីសោភ័ណរមណីយភាពទាំងនេះ បង្ហាញជូនប្រជាជនក្នុងប្រទេសខ្លួន ក៏ដូចជាទៅកាន់ពិភពលោក ខណៈឆ្នេរសមុទ្រកម្ពុជា ជាទីគួរឱ្យចង់ទស្សនាកម្សាន្ត និងសម្រាកលម្ហែដ៏ពេញចិត្តបំផុត។

សូមបញ្ចាក់ថា បវរកញ្ញាចក្រវាល កញ្ញា Swelia Da silva Antonio បានរួមដំណើរជាមួយប្រតិភូអន្តរជាតិ ចំនួន១៣០ មកពីជាង ២០ប្រទេស ចូលរួមក្នុងមហាសន្និបាតលើកទី១៦ របស់ក្លឹបឆ្នេរសមុទ្រដែលស្អាតបំផុតលើសាកលលោក ដែលបានប្រព្រឹត្តទៅ នៅខេត្តព្រះសីហនុ ដោយភ្ជាប់ជាមួយពិធីបុណ្យសមុទ្រលើកទី៩ ចាប់ពីថ្ងៃទី៩-១៤ ខែធ្នូ ឆ្នាំ២០២២ ៕