ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងៃនេះមានដំណើរការល្អសម្រាប់ការ ចរចា ពិភាក្សា និងការចុះហត្ថលេខា។ គ្មានកំហុសដោយអចេតនាណាមួយនឹងមករំខាន ផ្លូវទៅកាន់គោលដៅរបស់អ្នកបានទេ។ លោកអ្នកក៏អាចសម្រេចធ្វើការងារដែលប៉ង ប្រាថ្នា ហើយផលដែលទទួលបានគឺជាទីមោទន។ លើសពីនេះដំណឹងល្អ ឬឳកាសទទួលបានតំណែងការងារ និងទ្រព្យសំណាងកំពុងមានភាពវិជ្ជមានខ្លាំង។​ ក្នុងថ្ងៃនេះ ប្រសិនបើអ្នក មានបំណងចង់ផ្លាស់ប្តូរទីកន្លែងការងារគឺគ្មានអ្វីមកជំទាស់លោកអ្នកនោះទេ មិនត្រឹមតែ​ ប៉ុណ្ណោះស្ថានភាពការងារថ្មីនេះក៏មានភាពរឹងមាំណាស់ផងដែរ។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីអស់លោកអ្នកក្នុងថ្ងៃនេះស្រុតចុះ។ កិច្ចការងារ និងរបររកស៊ីក្នុងថ្ងៃនេះមានភាពរអាក់រអួល បន្តិច។ ដូច្នេះមិនគួរចាប់យកការងារធំពេកទេ ការងារក្នុងទំហំតូចអាចជួយសម្រួលភាព មមាញឹក និងបញ្ចៀសបញ្ហាបានច្រើន។ ទន្ទឹមនឹងនេះ លោកអ្នកអាចពិបាកក្នុងការដោះ ស្រាយបញ្ហាខ្លះៗ ដូច្នេះគួរសុំការពិភាក្សា ឬជំនួយជាគំនិតប្រសិនបើអ្នកជាប់គាំងពិបាក ដោះស្រាយ។ ធ្វើយ៉ាងណាកុំមើលងាយស្ថានការណ៍ ឬប្រថុយប្រថាន។ ក្រៅពីនេះ សូម លោកអ្នកមានចិត្តអត់ធ្មត់ ព្យាយាមដោះស្រាយហេតុការណ៍ដោយសន្តិវិធី ហើយបើទោះបី ជាយ៉ាងណាក្តី សូមកុំបាក់ទឹកចិត្តក្នុងភាពលំបាក។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកក្នុងថ្ងៃនេះខ្ពស់ត្រដែត។ ថ្ងៃនេះអ្នកអាចរំពឹងថាទទួលបានដំណឹងដែលខ្លួន បានរងចាំជាយូរណាស់មកហើយ។ លាភសំណាង និងឳកាសល្អៗក្នុងការងារអាចនឹងទទួល បាននៅចុងបញ្ចប់នៃការងារល្ងាចនេះ។ លោកអ្នកក៏អាចធ្វើការផ្លាស់ប្តូរស្ថានភាពការងារ តាមបំណង ដូច្នេះមិនគួរមានការស្ទាក់ស្ទើរនោះទេ។ ថ្ងៃនេះប្រសិនបើអ្នកមានលទ្ធភាពបោះជំហានថ្មីក្នុងគ្រប់វិស័យនោះ អ្វីៗនឹងធ្វើអោយអ្នកទទួលបានភាពថ្កើងថ្កានល្អប្រសើរ ណាស់។ លើសពីនេះ ទំនាក់ទំនងជាមួយមនុស្សដែលមានឋានៈខ្ពស់ និងអាជ្ញាធរគឺអាចធ្វើ ទៅបានដោយមិនប៉ះពាល់អ្វីឡើយ បើទោះបីជាអ្នកចែករំលែកគំនិតរិះគន់យ៉ាងណាក្តី។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ កិច្ចការងារ និងមុខរបររកស៊ីនឹងទទួលបានផលចំណេញច្រើន។ អតិថិជន និងដៃគូពាណិជ្ជកម្មហាក់មានភាពជឿជាក់ និងគាំទ្រផលិត ផលអ្នកណាស់។ ទន្ទឹមនឹងនេះ លោកអ្នកទទួលបានអំណោយផលសម្រាប់គំនិត និងវិធីសាស្រ្តយ៉ាងវិជ្ជមានសម្រាប់អាជីព ដូច្នេះភាពរីកចម្រើនប្រាកដនៅលើផ្លូវរបស់អ្នក។ ផ្ទុយទៅវិញ សូមកុំធ្វើឲ្យមានការភ្ញាក់ផ្អើល ការអបអរសាទរទាំងឡាយនៅពេលនេះមិនទាន់ សមស្របទៅឡើយទេ។ ក្នុងពេលទន្ទឹមគ្នានេះសូមលោកអ្នកពិនិត្យសង្កេតការងារ និងបទ ពិសោធន៍មនុស្សនៅក្បែរខ្លួនដើម្បីអ្នកកាន់តែទទួលបានចំណេះបន្ថែម។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ ​ រាសីអស់លោកអ្នកនៅក្នុងថ្ងៃនេះល្អជាមធ្យម។ ការងារ និងអាជីវកម្មរបស់លោកអ្នកចម្រើនលូតលាស់ ហើយស្ថិតក្នុងចំណុចច្បាស់លាស់។ លោកអ្នកអាចដំណើរការការងារទៅតាម ការគ្រោងទុកនៅពេលនេះ។ ឧបស័គ្គនានាហាក់គ្មានឥទ្ធិពលបំផ្លាញផែនការរបស់អ្នកបាន ទេ។ បើទោះបីជាយ៉ាងនេះក្តី ពាក្យសំដី និងអាកប្បកិរិយារបស់អ្នកមានឥទ្ធិពលលើទិន្នផល សម្រេចក្នុងថ្ងៃនេះ។ ក្នុងនោះការចាកចេញសម្រាប់ផ្សងព្រេងនឹងការងារថ្មីអាចនឹងមាន លំនឹងល្អប្រសើរ ហើយបើទោះបីជាអ្នកនឹងជួបឧបសគ្គខ្លះក៏មិនធ្វើអោយប៉ះពាល់ទៅដល់ លទ្ធភាពរីកចម្រើនរបស់កិច្ចការនោះដែរ។ ផ្ទុយទៅវិញ សូមប្រយ័ត្នជំលោះក្នុងកន្លែងធ្វើ ការ។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីអស់លោកអ្នកក្នុងថ្ងៃនេះល្អជាមធ្យម។ កិច្ចការងាររកស៊ីជួញដូរ និងអាជីវកម្មដំណើរការទៅដោយភាពល្អប្រសើរ។ ថ្ងៃនេះជាពេលអំណោយផលសម្រាប់ការផ្លាស់ប្តូរ និងការ ចាកចេញពីស្ថានភាពចាស់ៗដែលមិនល្អទាំងឡាយ។ វាគ្មានហេតុផលណាមួយឲ្យអ្នកទ្រាំ នោះទេ ពីព្រោះឳកាសល្អៗមានច្រើននៅខាងក្រៅ ហើយក៏សុទ្ធជាឳកាសដែលមានស្ថេរ ភាពផង។  ដោយឡែក​លោកអ្នកអាចផ្តល់មតិយោបល់ បង្ហាញមតិរិះគន់ដើម្បីស្ថាបនាបាន ពីព្រោះពាក្យសំដីរបស់អ្នកហាក់មានឥទ្ធិពលទៅលើបរិស្ថានជុំវិញ។ ក្រៅពីនេះ សូមប្រយ័ត្ន លើបំណុល ពីព្រោះសំណងប្រហែលជានឹងធ្វើទៅដោយស្ថានភាពតានតឹងណាស់។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកក្នុងថ្ងៃនេះល្អជាមធ្យម។ កិច្ចការរកស៊ីជួញដូរ និងភារកិច្ចការងាររបស់ អ្នកមានភាពចម្រើនលូតលាស់។ លោកអ្នកមានមនុស្សនៅជុំវិញខ្លួនស្រលាញ់រាប់អាន និង ជួយជ្រោមជ្រែងការងាររបស់អ្នកខ្លាំង។ ក្នុងនោះ ប្រសិនបើអ្នកមានលទ្ធភាពចំណាយលុយ កាក់នៅពេលនេះ គឺផលចំណេញនឹងទទួលបានច្រើន។ ក្រៅពីនេះ ការងាររបស់អ្នកកំពុង មានស្ថានភាពល្អ ដូច្នេះគួរប្រើប្រាស់ពេលវេលាបន្ថែមដើម្បីគិតគូរគម្រោងផែនការអនា គត។ ដោយឡែក សូមកុំផ្តោតការយកចិត្តទុកដាក់ទៅលើកំហុសពីអតីតកាល ព្យាយាម បំពេញការងារនៅចំពោះមុខ ហើយធ្វើទំនាក់ទំនងល្អប្រសើរជាមួយមនុស្សនៅក្នុងក្រុមការ ងារ។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាស្រី។ រាសីលោកអ្នកថ្ងៃនេះស្រុតចុះ។ អាជីពរបស់អ្នកហាក់មានភាពរឹងស្ទះតិចតួចក្នុងពេលនេះ លោកអ្នក មិនគួរធ្វើការងារធំដុំពេកទេ សូមកំណត់ការងារឲ្យបានសមល្មមនឹងកំលាំងរបស់ ខ្លួន។ លោកអ្នកអាចទទួលរងឥទ្ធិពលខាងក្រៅច្រើន ដូច្នេះសូមកំណត់ការទទួលយក ពត៌មាន បើមិនដូច្នេះទេលោកអ្នកអាចមានការលំបាកខ្លាំង។ ក្រៅពីនេះ រាល់ទំនាក់ទំនងគួរ កុំធ្វើច្រើនពេកនៅក្នុងថ្ងៃនេះ ឬយ៉ាងហោចណាស់ធ្វើឡើងក្នុងករណីចាំបាច់ប៉ុណ្ណោះ។ កំហុសដោយសារពាក្យសំដីនៅក្នុងសភាពផុយស្រួយ ដូច្នេះសូមមានការប្រុងប្រយ័ត្ន អោយបានពេញមួយថ្ងៃទើជាការល្អ។ ដោយឡែក លោកអ្នកនៅតែអាចតស៊ូមតិបាន។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកក្នុងថ្ងៃនេះល្អជាមធ្យម។ មុខរបរ និងអាជីវកម្មដំណើរការទៅដោយរលូន និងទទួលការគាំទ្រណាស់។ លោកអ្នកអាចសម្រេចដាក់ចេញការងារថ្មី ឬបន្តការងារដែលកំពុងអនុវត្តប្រកបដោយភាពជោគជ័យគួរជាទីកត់សម្គាល់។ ប៉ុន្តែក្នុងពេលនេះ អ្នកមិនអាចធ្វើ ការអនុវត្តដោយមិនបានប្រើប្រាស់គម្រោងផែនការដែលបានរៀបចំគ្រោងទុកនោះទេ។ ជម្លោះ ភាពរកាំរកូស និងមតិរិះគន់ខ្លះអាចកើតមានដោយយថាហេតុ ដូច្នេះសូមរក្សាពាក្យ សំដី ពិសេសបំផុតនៅរវាងពេលព្រឹកគួរកំណត់កិច្ចទំនាក់ទំនង។ ក្រៅពីនេះ សូមប្រយ័ត្ន ក្រែងការខ្វះខាតពេលវេលាធ្វើអោយអ្នកមានភាពរយាលចេញពីទំនាក់ទំនងផ្ទាល់ខ្លួន។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។  ​ រាសីអស់លោកអ្នកថ្ងៃនេះឡើងខ្ពស់ត្រដែត។ ថ្ងៃនេះលោកអ្នកទទួលបានសំណាងល្អក្នុងអាជីពការងារ។ លោកអ្នកទទួលបានការទទួលស្គាល់ពីថ្នាក់លើ និងពីសំណាក់មនុស្សនៅ ក្នុងក្រុមកាងារ ក៏ដូចជាដៃគូពាណិជ្ជកម្ម។ អ្នកក៏អាចក្លាយជាមេដឹកនាំក្រុម ប្រកបដោយ ភាពជឿជាក់ និងការជ្រោមជ្រែងខ្លាំងពីមនុស្សក្រោមបង្គាប់។ សូមកុំមានភាពស្ទាក់ស្ទើរ ចំពោះការងារដែលខ្លួនប៉ងប្រាថ្នា។ ចំពោះទំនាក់ទំនងនានាក្នុងថ្ងៃនេះល្អប្រសើរណាស់ ទន្ទឹមនឹងនេះ ទំនាក់ទំនងផ្ទាល់ខ្លួនក៏មានភាពល្អប្រសើរ។ ចំណែកការចាកចេញក្នុងទីជិត ឆ្ងាយគឺមានសុខសុវត្ថិភាពល្អណាស់។

ឆ្នាំច

សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកនៅក្នុងថ្ងៃនេះល្អជាមធ្យម។ កិច្ចការងារ និងអាជីវកម្មរបស់លោកអ្នកសម្រេចបានផល និងចំណេញប្រាក់កាក់គួរឲ្យកត់សម្គាល់។ ប៉ុន្តែសូមសន្សំសំចៃពេលវេលា ពីព្រោះពេល វេលា និងទំហំការងាររបស់អ្នកប្រហែលជាមិនសក្តិសមនឹងគ្នានោះទេ។ ថ្ងៃនេះ អ្នកអាចជួប បញ្ហាខ្លះទាក់ទងនឹងឯកសារ ឬពត៌មាន ដូច្នេះការបាត់បង់ទិន្នន័យ។ ចំពោះការ ផ្តល់ជូន នានា គួរតែពិនិត្យពិច័យជាមុនច្រើនជួបស្ថានភាពមុខពីរ ឬដែលមិនមែនជាគោលបំណង ល្អប្រសើរ។ យកល្អសូមពិភាក្សា ហើយប្រើប្រាស់ហេតុផល ដោយសារការខកចិត្តខ្លះអាច នឹងកើតឡើងនៅក្នុងថ្ងៃនេះ។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះល្អជាមធ្យម។ កិច្ចការងារ និងអាជីវកម្មរបស់អ្នកមានភាពចម្រើនរុងរឿងណាស់។ អ្នកអាចធ្វើឲ្យមនុស្សនៅជុំវិញខ្លួន យល់ពីអ្នកបានពេញបរិបូរណ៍ ដូច្នេះការយល់ច្រលំមិនងាយកើតឡើងនោះទេ។ ផ្ទុយទៅវិញ វាអាស្រ័យលើលោកអ្នកថា ត្រូវសម្រប ឬឆ្លើយតបទៅនឹងស្ថានភាពយ៉ាងដូចម្តេចឲ្យកាន់តែប្រសើរ។ ក្នុងនោះសូម ចងចាំថាភាពស្មោះត្រង់ និងរក្សាទំនាក់ទំនងអោយបានជិតស្និទ្ធ។ ក្នុងនោះការចាកចេញ ផ្លូវបើអាចគួរផ្អាកសិន ប៉ុន្តែប្រសិនបើចាំបាច់សូមមានគ្នីគ្នា ហើយប្រុងប្រយ័ត្នក្រែងមាន ឧបសគ្គរឹងផ្លូវនាំជាកង្វល់។

ចំណាំៈ

ឆ្នាំទាំង៤ ជូត ខាល ថោះ រកា រាសីឡើងខ្ពស់ត្រដែត។ ការចេញចេញទាំងឡាយនឹងនាំផល លាភល្អប្រសើរ។ ក្នុងនោះលោកអ្នកអាចប្រើប្រាស់លុយកាក់បានដោយគ្មានមន្ទិល និងការ ខាតបង់នោះទេ។