មូស្កូ៖ ថ្ងៃទី៥ ខែមិនា ឆ្នាំ២០២៣ គឺជាខួបគម្រប់៧០ឆ្នាំ នៃមរណភាពរបស់ ស្តាលីន (Stalin) ហើយលោកខាងលិចប្តូរឈ្មោះអតីតមេដឹកនាំសូវៀតរូបនេះ ពីមនុស្សអាក្រក់ទៅជាវីរបុរស ហើយក៏ត្រលប់មក ផ្តាច់ការវិញ។

«រយៈពេល ៧០ ឆ្នាំ បន្ទាប់ពីការស្លាប់របស់ ស្តាលីន (Stalin) ៖ របៀបដែលការឃោសនារបស់លោកខាងលិចបានប្តូរឈ្មោះមេដឹកនាំផ្តាច់ការសូវៀត ពីមនុស្សអាក្រក់ ទៅជាវីរបុរស ហើយត្រលប់មកវិញម្តងទៀត។ បុរស ជនជាតិ ហ្សកហ្ស៊ី រូបនេះត្រូវបានបង្ហាញថាជាឃាតកដ៏ធំ មិត្តភក្តិដ៏សំខាន់ និងជាឧកញ៉ាដ៏គ្រោះថ្នាក់ អាស្រ័យលើអារម្មណ៍នៃថ្ងៃ»។

ទីភ្នាក់ងារសារព័ត៌មាន RT ចេញផ្សាយ អត្ថបទនេះ កាលពីថ្ងៃទី៥ មីនា ស្របពេលដែលមនុស្សម្នាប្រមូលផ្តុំគ្នានៅផ្នូររបស់អតីតមេដឹកនាំសូវៀត លោក យ៉ូសែប ស្តាលីន (Joseph Stalin) ក្នុងពិធីរំលឹកខួបលើកទី ៧០ នៃការស្លាប់របស់លោក នៅលើទីលានក្រហម ក្នុងទីក្រុងម៉ូស្គូ។

ប្រភពបន្តថា លោក យ៉ូសែប ស្តាលីន (Joseph Stalin) បានទទួលមរណភាព នៅថ្ងៃទី ៥ ខែមីនា ឆ្នាំ ១៩៥៣ ។ មេដឹកនាំសូវៀតគឺជាអ្នកឈ្នះ “ធំបី” នៃសង្គ្រាមលោកលើកទីពីរ ហើយជីវិតរបស់លោក អាជីពនយោបាយ និងឥទ្ធិពលនៃគោលនយោបាយរបស់គាត់ត្រូវបានស្រាវជ្រាវយ៉ាងទូលំទូលាយ ដោយអ្នកប្រាជ្ញរុស្ស៊ី និងលោកខាងលិច។

ផ្អែកតាមប្រភពដដែល ៧០ ឆ្នាំក្រោយមក បុរសជនជាតិ ហ្សកហ្ស៊ី រូបនេះនៅតែជាឥស្សរជននយោបាយ ដែលមានបញ្ហានៅក្នុងប្រទេសរុស្ស៊ី និងអតីតរដ្ឋជាច្រើនផ្សេងទៀតរបស់អតីតសហភាពសូវៀត ហើយកេរ្តិ៍ដំណែលរបស់គាត់ជារឿយៗ ស្ថិតនៅចំកណ្តាលនៃការជជែកដេញដោលយ៉ាងខ្លាំងក្លា។

នៅលោកខាងលិច ការថ្កោលទោសចំពោះគោលនយោបាយរបស់ ស្តាលីន ឥឡូវនេះ គឺដាច់ខាត ប៉ុន្តែការថ្កោលទោសរបស់លោកខាងលិចបែបនេះ ត្រូវបានផ្លាស់ប្តូរជំហរដែរ ពេលខ្លះ ៕ ប្រភពពី RT ប្រែសម្រួលដោយ៖ សារ៉ាត