របៀបលាងស្អាតស្ពៃក្តោបឲ្យបានត្រឹមត្រូវ ញ៉ាំទៅមិនភ័យខ្លាចមានគ្រោះថ្នាក់ ឬប៉ះពាល់សុខភាព

ជឿជាក់ថាស្ពៃក្ដោប គឺជាបន្លែដែលប្រជាជនខ្មែរចូលចិត្តយកទៅចម្អិនអាហារខ្លាំង ដោយអាចច្នៃចេញជាមុខម្ហូបច្រើនប្រភេទ។ ប៉ុន្តែបន្លែប្រភេទនេះគឺពិបាកក្នុងការលាងសម្អាត ដើម្បីអាចយកធូលី ថ្នាំសម្លាប់សត្វល្អិត និងសត្វល្អិតដែលនៅខាងក្នុង ឲ្យចេញមកក្រៅបានខ្លាំងណាស់។ កុំបារម្ភជំហានៗដ៏ឆ្លាតវៃមួយនេះ ដើម្បីធ្វើស្លឹកដែលក្ដោបយ៉ាងតឹងទាំងនោះស្អាតបាតបាន។

១. មុនពេលចាប់កាន់ប៉ះស្ពៃក្ដោប ជំហានដំបូងគឺត្រូវរៀបចំខ្លួនឲ្យបានស្អាតបាត និងកន្លែងលាងឲ្យបានល្អ។ លាងសម្អាតដៃរបស់អ្នក ហើយត្រូវប្រាកដថាកន្លែងលាងបន្លែនោះស្អាតគ្មានមេរោគ។ ពីព្រោះមិនថាបន្លែ ចានឆ្នាំង ជារឿយៗត្រូវដាក់ចូលទៅក្នុងឡាបូលាងចានដោយផ្ទាល់ ជាកន្លែងដែលមេរោគអាចចម្លងបានយ៉ាងងាយស្រួល។

២. ហាមហាន់ ហើយយកទៅត្រាំ និងលាង។

៣. បកស្រទាប់សន្លឹក។ ស្លឹកខាងក្រៅទំនងជាប្រមូលកម្ទេចកំទី ហើយទំនងជាផ្ទុកសំណល់ថ្នាំសម្លាប់សត្វល្អិត។ ចំណែកស្រទាប់សន្លឹកដែលនៅសេសសល់ បកចេញយកមកលាងសម្អាត។

៣. ពុះជាបួន ហើយឆ្កៀលបណ្ដូលចេញ បើកទឹកបង្ហូរ ព្រោះស្លឹកខាងក្នុងត្រូវបានខ្ចប់យ៉ាងតឹងណែន។ ក្រោយលាងដោយទឹកត្រជាក់រួច ហើយរលាស់ចំឡើងឲ្យយូរ ហើយអាចយកទៅហាន់តាមប្រភេទម្ហូបអាហារដែលអ្នកចម្អិនបាន។ ធ្វើបែបនេះ គឺមិនឲ្យសារធាតុគីមី ឬថ្នាំពុលកសិកម្ម ដែលនៅសេសសល់ ជ្រាបចូលសាច់ខាងក្នុងស្ពៃក្ដោប តាមភ្នាសកោសិកាដែលបានបែកក្រោយពេលហាន់ ហើយយកទៅត្រាំលាង និងអាចរក្សាវីតាមីន C និង ក្រុមវីតាមីន B ផងដែរ ដែលជាវីតាមីនរលាយក្នុងទឹក។

៤. ត្រាំជាមួយទឹកអំបិល ឬតឹកខ្មេះ ក៏ជួយឲ្យខ្សាច់ គ្រួសតូចៗក្នុងស្រទាប់ស្ពៃក្ដោបចេញមកក្រៅបានដែរ។ ការត្រាំស្ពៃក្ដោបរយៈពេល ៥-១០ នាទី អាចធ្វើឲ្យដីដែលជាប់គាំងខាងក្នុងរបូតចេញមក។ ការសិក្សាមួយចំនួនរកឃើញថាការបន្ថែមទឹកខ្មេះ ឬ Bankin soda ត្រាំ ជាមួយស្ពៃក្ដោបអាចកាត់បន្ថយសំណល់ថ្នាំសម្លាប់សត្វល្អិតមួយចំនួនបន្ថែមទៀត៕

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត