ចំណេះដឹងខ្លះៗពីជំងឺខូចតម្រងនោមរ៉ាំរ៉ៃ រហូតឈានដល់ការលាងឈាម

តម្រងនោមគឺជាសរីរាង្គដ៏ស្មុគស្មាញ និងអស្ចារ្យ ដែលបំពេញមុខងារសំខាន់ៗជាច្រើន ដើម្បីរក្សាសុខភាពរបស់យើង។ ប៉ុន្តែមានកត្តាជាច្រើននាំឲ្យតម្រងនោមខូច រហូតដល់ថ្នាក់លាងឈាម។ មុខងារចម្បងរបស់តម្រងនោមគឺការបញ្ចេញជាតិពុល និងទឹកលើសចេញពីឈាមរបស់អ្នក។

តម្រងនោមក៏ជួយគ្រប់គ្រងសម្ពាធឈាម ផលិតកោសិកាឈាមក្រហម និងជួយរក្សាសុខភាពឆ្អឹងរបស់អ្នកផងដែរ។ តម្រងនោមរបស់អ្នកគ្រប់គ្រងកម្រិតសារធាតុរ៉ែ និងម៉ូលេគុលជាច្រើននៅក្នុងឈាម រួមទាំងសូដ្យូម និងប៉ូតាស្យូម ហើយជួយគ្រប់គ្រងកម្រិតជាតិអាស៊ីតនៅក្នុងឈាម។ ជារៀងរាល់ថ្ងៃ តម្រងនោមរបស់អ្នកគ្រប់គ្រងកម្រិតអំបិល និងទឹកនៅក្នុងរាងកាយ យ៉ាងយកចិត្តទុកដាក់ ដើម្បីរក្សាសម្ពាធឈាមរបស់អ្នកឲ្យនៅថេរ។តម្រងនោមរបស់អ្នក៖

ផលិតទឹកនោម
បញ្ចេញកាកសំណល់ និងសារធាតុរាវលើសចេញពីឈាមរបស់អ្នក
គ្រប់គ្រងតុល្យភាពសារធាតុគីមីក្នុងរាងកាយរបស់អ្នក
ជួយគ្រប់គ្រងសម្ពាធឈាមរបស់អ្នក
ជួយរក្សាសុខភាពឆ្អឹងរបស់អ្នក
ជួយផលិតកោសិកាឈាមក្រហម
ថែរក្សាតម្រងនោមរបស់អ្នក

បច្ចុប្បន្ន មានការកើនឡើងចំនួនអ្នកជំងឺជុំវិញពិភពលោកទាំងប្រុស ប្រភេទទាំងស្រី ដែលកើតជំងឺតម្រងនោម ហើយចាំបាច់ត្រូវលាងឈាម។ ហេតុអ្វីចាំបាច់ត្រូវលាងឈាម?

បើតម្រងនោមដំណើរការមិនប្រក្រតី ឧទាហរណ៍ មានជំងឺតម្រងនោមរ៉ាំរ៉ៃ ដូច្នេះតម្រងនោមមិនអាចច្រោះឈាមបានល្អ ធ្វើឲ្យកាកសំណល់ និងសារធាតុពុលកើនឡើងក្នុងរាងកាយ អាចបង្កគ្រោះថ្នាក់ ហើយបើមិនព្យាបាល អាចប៉ះពាល់ដល់អាយុជីវិត។ ការលាងឈាម ក្នុងគោលដៅតែមួយគត់ គឺច្រោះកាកសំណល់ផ្សេងៗចេញពីឈាម។ ផ្អែកលើកត្តាមួយចំនួន សុខភាពទូទៅ មុខងារ តម្រងនោម, រោគសញ្ញា, គុណភាពជីវិត និងតម្រូវការផ្ទាល់ខ្លួន ពេទ្យនឹងប្រាប់ពេលណាអ្នកជំងឺត្រូវធ្វើការលាងឈាម។

រោគសញ្ញា
ជំងឺតម្រងនោមជាញឹកញាប់មិនបង្ហាញរោគសញ្ញាអ្វីឡើយរហូតដល់ដំណាក់កាលចុងក្រោយ ដែល នេះជាហេតុផលធ្វើឲ្យការពិនិត្យសុខភាពជាប្រចាំមានសារៈសំខាន់ សម្រាប់អ្នកដែលមានហានិភ័យ។ ចំពោះជំងឺតម្រងនោមកម្រិតធ្ងន់ធ្ងរ រោគសញ្ញាអាចរួមមាន ការអស់កម្លាំងខ្លាំង , ពិបាកដកដង្ហើម, រមាស់ពេញរាងកាយ, ការហើមជើង ការកន្ត្រាក់សាច់ដុំ និងការចង្អោរ ឬក្អួត។

ជំងឺតម្រងនោមរ៉ាំរ៉ៃ (CKD)
ជំងឺតម្រងនោមរ៉ាំរ៉ៃមានមូលហេតុជាច្រើន រួមមាន ជំងឺទឹកនោមផ្អែម ជំងឺលើសឈាម ជំងឺបេះដូង និងសរសៃឈាម ជំងឺរលាកតម្រងនោម (ការរលាកនៃផ្នែកចម្រោះរបស់តម្រងនោម) ជំងឺតំណពូជមួយចំនួន ការប្រើប្រាស់ថ្នាំ ឬសារធាតុពុលជាក់លាក់ និងការឆ្លងមេរោគ។

គួរបញ្ជាក់ថា កាលពីខែឧសភា ឆ្នាំ ២០២៥ មហាសន្និបាតសុខភាពពិភពលោកបានអនុម័តសេចក្ដីសម្រេចចិត្តមួយស្ដីពីការកាត់បន្ថយបន្ទុកនៃជំងឺមិនឆ្លង តាមរយៈការលើកកម្ពស់សុខភាពតម្រងនោម និងការពង្រឹងការបង្ការ និងការគ្រប់គ្រងជំងឺតម្រងនោម។ សេចក្ដីសម្រេចចិត្តនេះអំពាវនាវឲ្យមានការលើកកម្ពស់សុខភាពតម្រងនោមពេញមួយវដ្តជីវិត ការកែលម្អការរកឃើញ និងការគ្រប់គ្រងជំងឺតម្រងនោមនៅដំណាក់កាលដំបូង ជាពិសេសចំពោះអ្នកដែលមានជំងឺទឹកនោមផ្អែម និងជំងឺលើសឈាម ព្រមទាំងធានាឱ្យមានលទ្ធភាពទទួលបានដោយសមធម៌នូវថ្នាំ និងសេវាសុខភាពចាំបាច់នានា៕

ចំណេះដឹងខ្លះៗពីជំងឺខូចតម្រងនោមរ៉ាំរ៉ៃ រហូតឈានដល់ការលាងឈាម

អ្នកនាង ទ្រី រ៉ាវី | Ms. Try Ravy

ព័ត៌មានទូទៅ

សេដ្ឋកិច្ច

អប់រំ

កីឡា

កម្សាន្ត

អរិយធម៌ខ្មែរ

Politico 360

One-Minute

កម្ពុជាមាតុភូមិខ្ញុំ

សច្ចធម៌ប្រវត្តិសាស្ត្រ

វិភាគសុីជម្រៅ

វឌ្ឍនភាពកម្ពុជា

អំពីក្រុមហ៊ុន

ចំណេះដឹងខ្លះ​ៗពីជំងឺខូចតម្រងនោមរ៉ាំរ៉ៃ រហូតឈាន​ដល់ការលាងឈាម

អ្នកនាង ទ្រី រ៉ាវី | Ms. Try Ravy

ចំណេះដឹងខ្លះៗពីជំងឺខូចតម្រងនោមរ៉ាំរ៉ៃ រហូតឈានដល់ការលាងឈាម