ខែដែលផ្ទុះជំងឺគ្រុនឈាមច្រើនបំផុតនៅកម្ពុជា និងការយកចិត្តទុកដាក់ដល់កុមារតូចៗ

កុមារកម្ពុជារាប់ម៉ឺននាក់នៅក្នុងប្រទេសកម្ពុជាបានឆ្លងជំងឺកាចសាហាវមួយ នោះគឺជំងឺគ្រុនឈាម ដែលបង្កឡើងតាមរយៈមូលខ្លាញី។ ដោយត្រឹមរយៈពេល១ ខែសីហា ឆ្នាំ ២០២៦ កន្លងទៅថ្មីៗនេះ មូលនិធិគន្ធបុប្ផា បានឲ្យដឹងថា ទារក និងកុមារ ទទួលបានការព្យាបាល ជំងឺគ្រុនឈាម ៩ ៦៣១ នាក់។ ចំណែកក្នុងខែកញ្ញានេះ ជំងឺគ្រុនឈាម ក៏មិនទាន់ទៅណាឆ្ងាយពីកុមារដែរ។

កាលពីថ្ងៃ ៨ ខែកក្កដា ឆ្នាំ ២០២៦ ក្រសួងសុខាភិបាលបានចេញសេចក្ដីប្រកាសរំលឹកឲ្យពលរដ្ឋ និងអាជ្ញាធរពាក់ព័ន្ធរួមគ្នាបំផ្លាញចោលរាល់សម្ភារដក់ទឹកផ្សេងៗ និងសម្អាតដង្កូវទឹកនៅតាមអាងទឹក ពាង ថូផ្កា ចានទ្រជើងទូ ឡាំង និងធុងជាដើម ដោយត្រូវផ្លាស់ប្ដូរទឹក និងលាងសម្អាតជាប្រចាំយ៉ាងតិចមួយដងក្នុងមួយសប្តាហ៍។ ក្រសួងក៏បានបញ្ជាក់ថា ក្នុងអំឡុងពេលរដូវវស្សា ជាទូទៅ ធ្វើឲ្យមានការកើនឡើងវត្ថុដក់ទឹក ដែលជាកន្លែងបង្កបង្កើតកូនមូសខ្លា។

ស្របពេលជាមួយគ្នានោះដែរ ប្រទេសកម្ពុជាកំពុងទទួលឥទ្ធិពលនៃបាតុភូតកើនកម្ដៅ (El Niño) អាចធ្វើឲ្យមានការកើនឡើងនៅតំបន់អាស៊ី ប៉ាស៊ីហ្វិក រួមទាំងកម្ពុជា។ ស្ថានភាពនេះ អាចធ្វើឲ្យមានការកើនឡើងចំនួនមូសខ្លា និងជំងឺ គ្រុនឈាម ដែលទាមទារឲ្យមានការចូលរួមយ៉ាងសកម្មពីបុគ្គលម្នាក់ៗ គ្រួសារ និងសហគមន៍។

គិតត្រឹមថ្ងៃ ១២ ខែកក្កដា ឆ្នាំ ២០២៦ មានករណីជំងឺគ្រុនឈាមចំនួន ២៨ ០៧៤ ករណីត្រូវបានរាយការណ៍នៅក្នុងប្រទេសកម្ពុជា ក្នុងនោះមានករណីស្លាប់ ៣៨នាក់។ តួលេខនេះបង្ហាញពីការកើនឡើង ៥៨,១% បើធៀបនឹងរយៈពេលដូចគ្នាក្នុងឆ្នាំ ២០២៥។

ករណីឆ្លងបានចាប់ផ្តើមកើនឡើងយ៉ាងគំហកចាប់ពីសប្តាហ៍ទី២៤ នៃឆ្នាំ (អំឡុងខែមិថុនា-កក្កដា) ដោយសារការធ្លាក់ភ្លៀងជោកជាំ និងទឹកជំនន់។

គួរបញ្ជាក់ថា ខែដែលមានការផ្ទុះឡើងខ្លាំងនៃជំងឺគ្រុនឈាមនៅក្នុងប្រទេសកម្ពុជា គឺស្ថិតនៅក្នុងរដូវវស្សា ចាប់ពីខែឧសភាដល់ខែតុលា ដោយចំនួនករណីឆ្លងខ្ពស់បំផុតជាទូទៅត្រូវបានកត់ត្រានៅក្នុងខែមិថុនា ខែកក្កដា និងខែសីហា។

ជារឿយៗក្រសួងសុខាភិបាល បានណែនាំឲ្យសមាជិកគ្រួសារដែលមានរោគសញ្ញាគ្រុនក្ដៅខ្លួនខ្លាំងភ្លាមៗចាប់ពី ៣៩ ដល់ ៤០ អង្សាសេ ត្រូវប្រញាប់ទៅពិគ្រោះ និងព្យាបាលជាបន្ទាន់នៅតាមមណ្ឌលសុខភាព ឬមន្ទីរពេទ្យដែលនៅជិតបំផុត ក្នុងអំឡុងពេលយ៉ាងយូរ ៤៨ ម៉ោង៕

ខែដែលផ្ទុះជំងឺគ្រុនឈាមច្រើនបំផុតនៅកម្ពុជា និងការយកចិត្តទុកដាក់ដល់កុមារតូចៗ

អ្នកនាង ទ្រី រ៉ាវី | Ms. Try Ravy

ព័ត៌មានទូទៅ

សេដ្ឋកិច្ច

អប់រំ

កីឡា

កម្សាន្ត

អរិយធម៌ខ្មែរ

Politico 360

One-Minute

កម្ពុជាមាតុភូមិខ្ញុំ

សច្ចធម៌ប្រវត្តិសាស្ត្រ

វិភាគសុីជម្រៅ

វឌ្ឍនភាពកម្ពុជា

អំពីក្រុមហ៊ុន